Gujarati News

ગોંડલઃ તસ્વીરમાં વાદળીયા વાતાવરણ વચ્ચે ઠંડકની અસર વર્તાઇ હતી.(તસ્વીરઃ ભાવેશ ભોજાણી, ગોંડલ)

રાજકોટ તા.૨૯: રાજકોટ સહિત સમગ્ર સૌરાષ્ટ્ર-કચ્છમાં ધીમે-ધીમે ઠંડીના પ્રમાણમાં વધારો થઇ રહયો છે અને મોડી રાત્રીના તથા વહેલી સવારનાં સમયે શિયાળા જેવા વાતાવરણનો અનુભવ થાય છે.

જો કે સવારના સમયે સૂર્યનારાયણનાં દર્શન થતાની સાથે જ હુંફાળુ વાતાવરણ છવાઇ જાય છે અને જેમ-જેમ દિવસ પસાર થાય છે તેમ-તેમ ગરમીની અસર વધવા લાગે છે.

સવારના સમયે લઘુતમ તાપમાનનો પારો નીચે ઉતરી જાય છે જયારે બપોરના સમયે મહતમ તાપમાનનો પારો ઊંચે ચડી જાય છે જેના કારણે બપોરે ઉનાળા જેવા વાતાવરણનો અહેસાસ થયા છે.

આજે સૌરાષ્ટ્ર-કચ્છ ગુજરાતમાં સૌથી નીચુ તાપમાન કચ્છના નલીયામાં ૧૩.૪ ડિગ્રી નોંધાયું હતું.

જામનગર

જામનગરઃ શહેરનું હવામાન મહતમ : ૩૦.પ, લઘુતમ : ૧૭, ભેજ : ૮૦ ટકા, પવનઃ ૫.૧ કિ.મી. છે.