Gujarati News

(મેઘના વિપુલ હિરાણી દ્વારા) ભાવનગર, તા.૨૯: વડા­ધાન શ્રી નરેન્દ્રભાઇ મોદીના હસ્તે ભાવનગર ખાતેથી રૂ.૬.૫૦ હજાર કરોડના ઐતિહાસિક વિવિધ ­કલ્પોના લોકાર્પણ-ખાતમૂહુર્ત થનાર છે. ભાવનગરમાં વિશ્વના પ્રથમ CNG ટર્મિનલ, બ્રાઉન ફિલ્ડ પોર્ટનો શિલાન્યાસ કરશે. તે ઉપરાંત ભાવનગરને આંગણે વિજ્ઞાનનગરીનું નવલું નજરાણું અર્પણ કરવા ભાવનગરની ભાગોળે ૨૦ ઍકરમાં અને રૂ. ૧૦૦ કરોડના ખર્ચે આકાર પામેલ અનોખું ‘રિજિયોનલ સાયન્સ સેન્ટર’નું લોકાર્પણ કરશે. ભાવનગર કન્ટેનર મેન્યુફેક્ચરિંગનું હબ બનવાની દિશામાં આગળ વધીને શ્રી મોદી APPL કન્ટેનરનું ઉદઘાટન કરશે. જયારે તળાજા ખાતે રૂ.૧૦ કરોડના ખર્ચે નવનિર્મિત મોડેલ સ્કૂલ અને ગર્લ્સ હોસ્ટેલનું લોકાર્પણ, મહુવા ખાતે રૂ. ૫.૮૬ કરોડના ખર્ચે નવનિર્મિત સરકારી કન્યા છાત્રાલય (વિકસતી જાતિ) લોકાર્પણ, રૂ. ૧૧.૧૦ કરોડના ખર્ચે નવનિર્મિત ભાવનગર ઍસ.ટી બસ સ્ટેશનનું લોકાર્પણ, રૂ. ૫.૩૧ કરોડનાં ખર્ચે ભાવનગરનું મોતીબાગ ટાઉનહોલ રીનોવેશન અને રી-ડેવલપમેન્ટ લોકાર્પણ, રૂ. ૧૭.૯૪ કરોડનાં ખર્ચે ભાવનગરનાં અકવાડા લેક ફ્રન્ટ ડેવલપમેન્ટ ફેઝ-૨નું ખાતમુહૂર્ત તેમજ રૂ.૨૦૦ કરોડનાં ખર્ચે તૈયાર થનાર માઢીયા જી.આઇ.ડી.સી.નું ખાતમુહૂર્ત કરવામાં આવનાર છે.

માનવંતા મહેમાનો અને આવનાર જનમેદનીને બેસવાં માટે કુલ ૮ લાખ ચોરસ ફુટમાં ડોમ બાંધવામાં આવ્યો છે. જેમાં ૬,૫૦,૦૦૦ ફૂટનો મુખ્ય જર્મન ડોમ અને તેની બાજુની બંને સાઇડમાં કુલઃ ૧,૫૦,૦૦૦ ચો.ફુટમાં બીજા ડોમની વ્યવસ્થા કરવામાં આવી છે.

લોકો માટે ડોમમાં ૧,૮૦૦ પંખા, ૬૦ ઍલ.ઇ.ડી. લગાવવામાં આવી છે. જેથી બેઠા બેઠા જ લોકો જાઇ શકે. આ ઍલ.ઇ.ડી. સ્ક્રિન પણ મોટા લગાવવામાં આવ્યાં છે. આ ઉપરાંત ટેન્ટ કુલરની પણ વ્યવસ્થા કરવામાં આવી છે.

જવાહર મેદાનના કુલ ૨૪,૭૪,૦૦૦ ચો.ફુટમાî બેસવાં, પાણી, સેનિટેશન અને પાર્કિંગ સહિતની વ્યવસ્થાઓ ઉભી કરવામાં આવી છે.

વહીવટી તંત્ર દ્વારા રાત-દિવસ કરીને આ તૈયારીઓને આખરી ઓપ આપવામાં આવી રહ્ના છે. સભા સ્થળે સૂલેહ અને શાંતિ જળવાઇ રહે તે માટે પૂરતો પોલીસ બંદોબસ્ત પણ કરવામાં આવ્યો છે.

બેસવાની વ્યવસ્થા કલર કોડ સાથે દરેક બેઠક વ્યવસ્થા સુનિશ્ચિત કરવામાં આવી છે. મીડિયાને કવરેજ કરવાં માટે પણ ઇન્ટરનેટ કનેક્શન, રાઇઝર સહિતની વ્યવસ્થા કરવામાં આવી છે.

તંત્ર દ્વારા વિવિધ વિભાગના અધિકારીઓને વિવિધ વ્યવસ્થાઓની જવાબદારી સોંપવામાં આવી છે અને આ અધિકારીઓ સતત તેમની કામગીરીનું નિરીક્ષણ કરીને તેમની કામગીરીને આખરી ઓપ આપી રહ્નાં છે.