Gujarati News

Gujarati News

News of Tuesday, 29th September 2020

જૂનાગઢના કોવિડ સેન્ટરમાંથી ફરાર થયેલ જેલના કેદીની શોધખોળ

અગાઉ પણ એક આરોપી નાસી ગયેલ

જુનાગઢ, તા. ર૯ : જુનાગઢના ભવનાથ સ્થિત કોવિડ સેન્ટરમાંથી પોસ્કો કેસનો કેદી નાસી જતા પોલીસ તંત્ર ધંધે લાગી ગયું છે. અગાઉ પણ એક આરોપી ભાગી ગયો હતો, જે હજુ હાથમાં નથી આવ્યો ત્યાં કેદી પણ નાસી જતાં પોલીસે શોધખોળ હાથ ધરી છે.

દાહોદ જિલ્લાના જાલોદના પાડલા ગામનો રાજુ તેનસીંગ નેશરતા (ઉ.વ.ર૩) સામે વંથલી પોલીસે  સ્ટેશનમાં સગીરાનું અપહરણ અને બળાત્કારનો ગુનો નોંધાયો હતો.

આ શખ્સ છેલ્લા કેટલાક સમયથી જુનાગઢ જિલ્લા જેલમાં બંદીવાન હતો. દરમ્યાન રાજુનો રિપોર્ટ કોરોના પોઝીટીવ આવતા તેને જુનાગઢના ભવનાથ સ્થિત સનાતન ધર્મશાળા કોવિડ સેન્ટરમાં સારવાર માટે રાખવામાં આવલ.

દરમ્યાન ગઇકાલે વહેલી સવારના પ-૩૦ સુધીમાં આ કેદી ધર્મશાળાના રૂમની બારીના સળીયાનો નીચેનો ભાગ લાકડાની ફેમમાંથી કાઢી સળીયો વાળી બારી વાટે નીકળીને પોલીસ કસ્ટડીમાંથી નાસી ગયો હતો.

આ અંગે લોકરક્ષક કલ્પેશ અમૃતભાઇએ જાણ કરતા ભવનાથ પોલીસે શોધખોળ શરૂ કરેલ, પરંતુ આ કેદી હાથ લાગ્યો ન હતો.  અગાઉ પણ સનાતન ધર્મશાળાના કોવિડ સેન્ટરમાંથી એક આરોપી પોલીસને ચકમો આપીને નાસી ગયો હતો. ત્યાં આવી બીજી ઘટના પ્રકાશમાં આવતા હલચલ મચી ગઇ છે.

(1:03 pm IST)
  • ફ્રેન્ચ ઓપનમાં જબરો અપસેટ : એન્ડી મરે પ્રથમ રાઉન્ડમાં જ બહાર : ફ્રેન્ચ ઓપનમાં બ્રિટનના એન્ડી મરે પ્રથમ રાઉન્ડમાં જ બહાર ફેંકાઈ ગયો છે : વાવરીન્કાએ મરે ને એક કલાક અને ૩૭ મિનિટમાં ૬-૧, ૬-૩, ૬-૨થી હરાવી બીજા રાઉન્ડમાં પ્રવેશ કર્યો હતો access_time 3:11 pm IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST