Gujarati News

Gujarati News

News of Tuesday, 29th September 2020

ધોરાજીમાં સંસ્થાઓ પોલીસ સ્ટેશન દ્વારા વાહન ચાલકોને માસ્કનું વિતરણ

ધોરાજી, તા.૨૯: ધોરાજીમાં સંસ્થાઓ દ્વારા વિશ્વ કોવિડ-૧૯ની મહામારીને ધ્યાનમાં રાખીને સેલસ પ્રોડકટસ પ્રા.લી.અમદાવાદની માસ્ક બનાવતી કંપની દ્વારા માસ્કનું ડોનેટ કરેલ. તેનો વિતરણ કાર્યક્રમ તુલસી ચેટરીટેબલ ટ્રસ્ટ-ધોરાજી તથા લાયન્સ કલબ-ધોરાજી તથા પોલીસ સ્ટેશન ધોરાજીનાં સંયુકત ઉપક્રમે રાખેલ.

પી.આઇ. હુકુમતસિંહ જાડેજા તથા પી.એસ.આઇ.નયનાબેન કદાવલા તથા લાયન્સ કલબનાં પ્રમુખ જનકભાઇ હિરપરા તથા તુલસી ચેરીટેબલ ટ્રસ્ટનાં પ્રમુખ રાજુભાઇ બાલધા એડવોકેટ એન્ડ નોટરીની હાજરીમાં ગેલેકસી ચોક ખાતે રાહદારીઓ તથા વાહન ચાલકોને દંડની જગ્યાએ માસ્કનું વિતરણ કરેલ.

લોકોને આ વધી રહેલા કોરોના વાયરસનાં સંક્રમણથી બચવા માસ્ક પહેર્યા વગર બહાર ન નીકળવું, વડિલો તથા બાળકોને કારણ વગર ઘરથી બહાર નીકળવાનું ટાળો, પાણી કે સેનીટાઇઝર કે સાબુથી વારંવાર હાથ ધોવા, છિંક-ખાસી વખતે મોઢાને ઢાંકવુ, બીમાર લોકો સાથે સંપર્કમાં આવવુ, દો ગજનું અંતર રાખવુ વિગેરે સંદેશાઓ સંસ્થાઓ દ્વારા આપવામાં આવેલ.

કાર્યક્રમને સફળ બનાવવા માટે અશોકભાઇ બાલધા, ધિરેનભાઇ વૈશ્નવ, પ્રફુલભાઇ હિરપરા, ડી.કે.અંટાળા, મહેન્દ્રભાઇ કોટડીયા, દિવ્યેશભાઇ હરપાળ, હરસુખભાઇ ગજેરા, સમીરભાઇ, ભાસ્કરભાઇ, યશભાઇ, દુષ્યંતભાઇ, ધ્રુવભાઇ વિગેરે સંસ્થાઓનાં કાર્યકર્તાઓ વિતરણ વ્યવસ્થા કરેલ હતી.

(10:10 am IST)
  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • 30 સપ્ટે.ના રોજ બાબરી ધ્વંસનો ચુકાદો : ફાંસી થાય તો મંજુર પણ જામીન નહીં માંગુ : કોરોના સંક્રમિત ભાજપ આગેવાન ઉમા ભારતીએ હરિદ્વારથી ભાજપ અધ્યક્ષને પત્ર લખી જાણ કરી access_time 8:24 pm IST