Gujarati News

Gujarati News

News of Friday, 29th June 2018

વડિયા સામુહિક આરોગ્ય કેન્દ્રમાં ફુલટાઇમ બે ડોકટર નિમવા માંગણી

બાબરાના ડોકટરનું ડેપ્યુટેશન રદ કરી ફરી વડિયા મુકો

વડિયા તા.ર૯: અહિંના સામુહિક આરોગ્ય કેન્દ્રમાં થોડા સમય  પુર્વે બે ડોકટરની નિમણુંક કરવામાં આવી હતી. પરંતુ સરકારે અચાનક બેમાંથી એક ડોકટરને બાબરા ડેપ્યુટેશન પર મુકતા હવે ફરી વડિયામાં એકજ ડોકટરથી ચલાવવુ પડે તેમ છે. વડિયામાં દરરોજ ઓપીડીના ર૦૦ કેસો આવે છે એકજ ડોકટરને કારણે ગીરદી ખુબજ થાય છે અને દર્દીઓને  પણ દવાખાનામાં લાંબો સમય દવા લેવા માટે કાઢવો પડે છે.

અગાઉ પણ વડિયા સામુહિક આરોગ્ય કેન્દ્રમાં એકજ ડોકટર હોવાને કારણે અને દર્દીઓના ઘસારાથી કંટાળી અગાઉના ડોકટરે રાજીનામુ આપી દીધેલ.

સરકારે થોડા સમય પહેલા બે ડોકટરની નિમણુંક કર્યા બાદ ફરી ડેપ્યુટેશન પર એક ડોકટરને બાબરા મુકતા ફરી એક ડોકટર પરજ  દર્દીઓની સારવારની જવાબદારી આવી પડી છે.

તાજેતરમાં રોગી કલ્યાણ સમિતિની મીટીંગમાં પ્રાંત અધિકારી - મામલતદાર તથા સરપંચની હાજરીમાં આ મુદ્દા ઉપસ્થિત થયેલ અને લોકલાગણી સમજીને ફરીથી બાબરા ખાતે ડેપ્યુટેશન પર મુકેલ ડોકટરનું ડેપ્યુટેશન રદ કરી ફરી વડિયા મુકવા જણાવાયુ હતુ.  જેથી અધિકારીઓએ  આ બાબતે સરકારમાં રજુઆત કરવા ખાત્રી આપી હતી.

(11:43 am IST)
  • સાણંદ તાલુકા પંચાયત ભાજપે ગુમાવી : ૧૩ સભ્યોનો સાથ મેળવી કોંગ્રેસની જીતઃ ઉપપ્રમુખ પદે ભરતસિંહ ડોડીયાની થઇ વરણીઃ પ્રમુખ પદે રંજનબેન વાઘેલા ચુંટાયા access_time 4:07 pm IST

  • શનિવારે સતત બીજાદિવસે પેટ્રોલ-ડીઝલના ભાવમાં કોઈ ઘટાડો થશે નહિ :શુક્રવાર અને ગુરુવારે પણ પેટ્રોલ-ડીઝલના ભાવ યથાવત રખાયા હતા : બુધવારે પેટ્રોલના ભાવમાં લીટરે 5 પૈસા અને ડીઝલના ભાવમાં 11 પૈસાનો ઘટાડો થયો હતો :મંગળવારે ડીઝલના ભાવ યથાવત રાખ્યા હતા જયારે પેટ્રોલમાં લિટરે નવ પૈસા ઘટ્યા હતા access_time 1:13 am IST

  • મુંબઈમાં પ્લેન ક્રેશ માટે એવિએશન કંપની જવાબદાર ;પાયલોટના પતિએ લગાવ્યો આરોપ :માર્યા ગયેલ કો-પાયલોટ મારિયા જુબેરીના પતિ પી,કૂથરીયાએ કહ્યું કે ખરાબ હવામાનને કારણે તેને પ્લેનને ઉતારવું પડ્યું :દુર્ઘટનાને ટાળી શકાય હોત :મને મારિયાએ કહ્યું હતું કે ખરાબ હવામાનને કારણે તે ફ્લાઇટ નહીં ઉડાવી શકે access_time 1:18 am IST