Gujarati News

Gujarati News

News of Friday, 29th June 2018

ગોંડલમાં સિમેન્ટ રોડ બન્યા'ને વાહન ચાલકોએ પણ વધારી ગતિ... 'સ્પીડ બ્રેકર'ની લગામ જરૂરી

કોઇ ગંભીર અકસ્માત સર્જાય એ પહેલા જ યોગ્ય કરોઃ શહેરીજનોની લાગણી-માંગણી

ગોંડલ તા. ર૯: અહીંયા સિમેન્ટ રોડ બનતાની સાથે જ ઘણા વાહન ચાલકોની ગતિમાં પણ એકાએક વધારો થઇ જતાં શહેરીજનોને અકસ્માતની ભીતી સતાવી રહી છે... ગતિ નિયંત્રણ માટે 'સ્પીડ બ્રેકર'ની લગામ જરૂરી હોવાનું સૌ માની રહ્યા છે.

આ અંગે લોકમુખે ચર્ચાતી વિગતોનુસાર ગોંડલમાં સીમેન્ટ રોડ બન્યા બાદ માતેલા સાંઢની જેમ વાહન ચાલકો ફુલ સ્પીડમાં હંકારતા હોવાથી રોડ ઉપર પગપાળા જતા નાગરીકો સતત ભયમાં હોય છે.

કહેવાય છે કે, સીમેન્ટ રોડમાં વાહનો પણ અવારઅનવાર સ્લીપ થાય છે. તો વધુ સ્પીડમાં હોવાથી કોઇ આડુ ઉતરે ત્યારે તુરંત બ્રેક પણ લાગતી નથી... વાહન ચાલકોની ગતિ નિયંત્રણ કરવા શહેરમાં તમામ રોડ પર સ્પીડ બ્રેકર મુકવાની માંગ છેલ્લા ઘણા સમયથી હોવા છતાં પણ પાલિકા દ્વારા દાખવાથી નિષ્ક્રિયતા સામે વિરોધ વંટોળ ઉઠવા લાગ્યો છે.

એમાંયે સ્કુલ પાસે વિદ્યાર્થીઓની સતત અવરજવર રહેતી હોવાથી દરરોજ નાના-મોટા અકસ્માતો થાય છે. તો ોકઇ માનવ જીંદગીનો જીવ હોમાય તે પહેલા સત્વરે યોગ્ય કરવું જરૂરી છે.

(11:26 am IST)
  • યુનાઈટેડ નેશન્સ (યુએન) માં અમેરિકી રાજદૂત નિકી હેલે ગુરુવારે પોતાનો ત્રણ દિવસીય ભારત પ્રવાસ પૂરો કરીને પાછા ફર્યા છે. પ્રવાસના અંતિમ દિવસે તેમણે પ્રધાનમંત્રી નરેન્દ્ર મોદી સાથે મુલાકાત કરી. નિકીએ આ મુલાકાતમાં પીએમ મોદીને ઈરાન વિશે સંદેશ આપ્યો કે જે ટ્રમ્પ તરફથી આવ્યો હતો. અમેરિકાએ ભારતને સ્પષ્ટ કહ્યુ છે કે ઈરાન સાથે પોતાના સંબંધો પર તે ફરીથી વિચાર કરે. access_time 1:39 pm IST

  • આદિપુર મહિલા પોલીસ સ્ટેશનમાં ફરજ બજાવતા મહિલા પીએસઆઇ અને મહિલા કોન્સ્ટેબલ લાંચ લેતા ઝડપયા:મહિલા પોલિસ સ્ટેશનના PSI કે.આર.વાધેલા અને એક કોન્સ્ટેબલ 3000 ની લાંચ લેતા પાટણ ACB એ ઝડપ્યા access_time 10:38 pm IST

  • વેરાવળમાં અપહરણ કરનાર શંકાસ્પદ મહિલા પકડાઇ : મહિલા અપહરણ કરવા આવી હોવાની શંકાઃ લોકોએ મહિલાને ઓરડીમાં કરી બંઘઃ બાળકોને ચોકલેટની લાલચે પોતાની પાસે બોલાવતીઃ લોકોને જોઇને ૨ મહિલા ભાગી ગઇઃ ૧ મહિલા પકડાતા પોલીસ હવાલે કરાઇ access_time 4:24 pm IST