Gujarati News

કેશોદઃ  નજીકના  સોંદરડા બાયપાસ પાસે રોયલ  વેસણના કારખાનામા  પ બુકાનીધારીઓ માથે કાળુ કપડુ પહેરેલાઓએ કારખાનાના માલિક વિજયભાઇ ભરતભાઇ રાખોલીયાને કુહાડી અને ધારિયા બતાવીને રૂ. ર૮૬૦૦ ની રોકડ તથા વિજયભાઇએ પહેરેલ સોનાની વીંટી કિ. ૧૮ હજારની  ઉતરાવીને લૂંટ કરીનેમારી નાખવાની ધમકી આપી નાસી ગયેલ હતા.

વેસણના કારખાનાની બાજુમાં અન્ય બંધ કારખાનાઓમાં આ બુકાનીધારીઓ તાળા તોડીને કુલ રૂ. ૩૪૬૦૦ ની રોકડની ચોરી કરી ગયેલ હતા. રોયલ વેસણ વાળા વિજયભાઇ રાખોલીયાએ પોલીસ ફરીયાદ નોંધાવી છે. પોલીસે કુલ રૂ. ૮ર૧૬૭ ની ધાડ અને ચોરીનો ગુન્હો નોંધ્યો છે.ફ

 પોલીસ  ડોગ સ્કવોર્ડની મદદથી તપાસ કરી રહી છે. કેશોદના પી.આઇ શ્રી ભાટી વધુ તપાસ ચલાવી રહ્યા છે.