Gujarati News

રાજકોટ, તા. ર૯ : રાજકોટ સહિત સૌરાષ્ટ્ર-કચ્છમાં બર્ફિલા પવન સાથે ઠંડીનું જોર યથાવત છે અને ઠંડીમાં લોકો ઠુંઠવાઇ રહ્યા છે. લઘુતમ તાપમાનનો પારો સડસડાટ નીચે ઉતરતા કડકડતી ઠંડીનો લોકો સામનો કરી રહ્યા છે.

આખો દિવસ ઠંડીની અસર બરકરાર રહે છે. આજે પણ ગિરનાર પર્વત ઉપર ૭ ડીગ્રી, નલીયા-૭.૧, રાજકોટ-જામનગર-૧૧.પ ડીગ્રી લઘુતમ તાપમાન નોંધાયું છે.

જુનાગઢ

જુનાગઢ : સોરઠમાં આજે ઠંડીનો ચમકારો રહ્યો છે. ગિરનાર ખાતે ૭ ડીગ્રી ઠંડી નોંધાઇ છે.

ગઇકાલે જુનાગઢનું લઘુતમ તાપમાન ૧પ ડીગ્રી રહ્યા બાદ આજે ત્રણ ડીગ્રી તાપમાન ધરીને ૧ર ડીગ્રી નોંધાતા જૂનાગઢ સહિતના વિસ્તારોમાં ઠંડી અનુભવાઇ હતી.

ગિરનાર પર્વત પર આજનું તાપમાન ૭ ડીગ્રી રહ્યું હતું. સવારે વાતાવરણમાં ભેજનું પ્રમાણ પ૦ ટકા રહ્યું હતું.

૬.૯ કિ.મી.ની ઝડપે ઠંડો પવન ફુંકાતા વાતાવરણ બર્ફીલુ રહ્યું હતું.

જામનગર

જામનગર : શહેરનું તાપમાન મહતમ-ર૪, લઘુતર-૧૧.પ, ભેજ-૪૪% પવન ૯.ર પ્રતિ કલાક પવન છે.