Gujarati News

રાજકોટ તા. ૨૦: કુવાડવાના ચાંચડીયા ગામે રહેતો અને ઇમિટેશનનું કામ કરતો વલ્લભ સવાભાઇ કુમારખાણીયા (ઉ.૩૦) સાંજે નવાગામ રંગીલામાં ઇમિટેશનનું કામ લેવા આવ્યો હોઇ ત્યાં ચામુંડા પાન નામની દૂકાને ફાકી ખાવા ઉભો ત્યારે સંજય રોજાસરાએ હાથમાં છરી ઝીંકી દેતાં સારવાર માટે સિવિલ હોસ્પિટલમાં દાખલ થતાં કુવાડવા પોલીસને જાણ કરવામાં આવી હતી.

વલ્લભના કહેવા મુજબ તે પાનની દૂકાને હતો ત્યારે સંજય પણ ત્યાં આવ્યો હતો. તેણે 'આઘો જા' કહી ગાળો ભાંડતા ગાળો બોલવાની ના પાડતાં ઉશ્કેરાઇ જઇ છરી મારી દીધી હતી.