Gujarati News

Gujarati News

News of Saturday, 28th November 2020

મોરબીના માળિયા ફાટક નજીકના અકસ્માતમાં વધુ એક યુવાનનું મોત, મૃત્યુઆંક ૦૩

 (પ્રવિણ વ્યાસ દ્વારા) મોરબી,તા.૨૮ : મોરબીના માળિયા ફાટક નજીક બે દિવસ પૂર્વે અકસ્માત સર્જાયો હતો જેમાં બે બાઈકમાં સવાર ચાર યુવાનોને અજાણ્યા વાહનચાલક ઠોકર મારતા બે યુવાનના મોત થયા હતા તો બે યુવાનોને સારવાર માટે હોસ્પિટલ ખસેડાયા હતા જેમાં સારવાર દરમિયાન વધુ એક યુવાનનું મોત થતા કુલ મૃત્યુ આંક ૦૩ થયો છે

 જામનગરના હાપા રેલ્વે સ્ટેશન પાસે રહેતા પરેશભાઈ મગનભાઈ બજાણીયાએ પોલીસ ફરિયાદ નોંધાવી હતી કે માળિયા ફાટક નજીકથી તેના દીકરા ઋત્વિક બજાણીયા (ઉ.વ.૨૦), ભત્રીજા હાર્દિક ધીરેન્દ્રભાઈ બજાણીયા (ઉ.વ.૧૯) મોટરસાયકલ લઈને જતા હોય ત્યારે અજાણ્યા વાહને અડફેટે લેતા બાઈક સવાર ઋત્વિક અને હાર્દિક એ બંને યુવાનોના મોત થયા હતા જયારે અન્ય બાઈકમાં જતા કૌટુંબિક ભત્રીજો ભૌતિક નરેશભાઈ બજાણીયા અને ભાણેજ જીત કિરીટભાઈ રજોડીયાને પણ ગંભીર ઈજા કરી વાહનચાલક નાસી ગયાની પોલીસ ફરિયાદ નોંધાવી હતી જે અકસ્માતમાં બે યુવાનના દ્યટનાસ્થળે જ મોત થયા હતા તો ભૌતિક બજાણીયા અને જીત રજોડીયા એ બંને યુવાનોને સારવાર માટે રાજકોટ ખસેડવામાં આવેલ જયાં સારવાર દરમિયાન ભૌતિક બજાણીયા નામના યુવાનનું મોત થતા અકસ્માતમાં કુલ મૃત્યુ આંક ૦૩ થયો છે જયારે હજુ એક યુવાન સારવાર હેઠળ હોવાની માહિતી પ્રાપ્ત થઇ છે.

(11:37 am IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • રાજકોટમાં હેર સલુનોમાં કોરોના ટેસ્ટીંગ શરૂ : કોરોના સંક્રમણ રોકવા આજથી શહેરના હેર સલુનોમાં ચેકીંગ શરૂ કરાયાનું જાણવા મળ્યુ છે access_time 3:46 pm IST

  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST