Gujarati News

Gujarati News

News of Wednesday, 28th October 2020

સગીરા પર ગંજી ગેંગના ચાર સભ્યોએ દુષ્કર્મ આચર્યું

જામનગરના કાલાવડની ઘટના : ચારેય નરાધમોએ સગીરાની એકલતાનો લાભ લઇને તેણીના મોઢે ડૂચો મારીને વારાફરથી ગેંગરેપ કર્યો હતો

જામનગર,તા.૨૮ : જામનગર જિલ્લામાં ગેંગરેપની બે ઘટનાની શાહી હજુ સુકાઇ નથી ત્યાં જ કાલાવડ પંથકમાં ત્રીજી ગેંગરેપની ઘટના સામે આવતા હાહાકાર મચી ગયો છે. અહીં એક આદિવાસી સગીરા પર ચાર લોકોએ દુષ્કર્મ આચર્યું છે. ૨૧ સપ્ટેમ્બરના રોજ એક સગીર સહિત ચાર લોકોએ સગીરા પર વારફરતી દુષ્કર્મ આચર્યું હતું. આ તમામ સખ્સો ગંજી ગેંગના સભ્યો હોવાનું કહેવામાં આવી રહ્યું છે. પોલીસે આ કેસમાં ચારેય આરોપીની ધરપકડ કરી લીધી છે. મળતી માહિતી પ્રમાણે કાલાવડ તાલુકાના પીપર ગામ ખાતે એક સગીરા પર ચાર નરાધમોએ વારાફરથી સામુહિક દુષ્કર્મ આચર્યું હતું. આ મામલે કાલાવડ ગ્રામ્ય પોલીસ મથકે ફરિયાદ નોંધવામાં આવી હતી. મળતી માહિતી પ્રમાણે સગીરા કાલાવડના પીપર ગામ ખાતેની એક વાડીમાં પરિવાર સાથે રહે છે. પરિવાર મૂળ મધ્ય પ્રદેશનો છે, જે અહીં રહીને મજૂરીકામ કરે છે.

            ૨૦મી ઓક્ટોબરના રોજ શ્રમિક પરિવારની ૧૪ વર્ષની દીકરી વાડીના મકાનમાં એકલી ઊંઘી રહી હતી તે દરમિયાન રાત્રે દારૂના નશામાં ચકચૂર બનેલા મધ્યપ્રદેશના જ વતની એવા ગંજી ગેંગના ચાર સભ્યોએ તેણીને પોતાની હવસનો શિકાર બનાવી લીધી હતી. આરોપીઓમાં એક શખ્સ સગીર વયનો છે. ચારેય નરાધમોએ સગીરાની એકલતાનો લાભ લઇને તેણીના મોઢે ડૂચો દઈને વારાફરથી ગેંગરેપ કર્યો હતો. ગેંગરેપ બાદ ચારેય ભાગી ગયા હતા. આ મામલે સગીરાએ પોતાના માતાપિતાને જાણ કરતા પોલીસને જાણ કરવામાં આવી હતી. પોલીસે ચારેય આરોપી સામે ગુનો દાખલ કરીને તપાસ શરૂ કરી હતી. પોલીસે આ ગુનામાં ગંજી ગેંગના ચાર સભ્યોની ધરપકડ કરી હતી. જેમાં મૂળ મધ્ય પ્રદેશના અલીરાજપુર જિલ્લાના જોબટ તાલુકાના ચોખલી ગામના વતની દિનેશ કેરમસિંગ કટારીયા, પનેરી ગામના હી-મેન ચેતનસિંગ બગેલ આદિવાસી, બળીજીરા ગામ જોબટ તાલુકાના વતની સુનિલ ગુલાબસિંગ અજનાર આદિવાસીનો સમાવેશ થાય છે. તમામ સામે આઇપીસી કલમ ૩૭૬ (ડી)(એ), ૫૦૬-૨ તથા પોક્સો એક્ટની કલમ ૪-૮ મુજબ ગેંગરેપનો ગુનો નોંધવામાં આવ્યો છે. અટકાયત બાદ તમામનો કોરોના ટેસ્ટ કરવામાં આવ્યો હતો. કોરોના ટેસ્ટ નેગેટિવ આવ્યા બાદ પોલીસે ત્રણેયની ધરપકડ કરી હતી. આ કેસમાં સંડોવાયેલા ૧૬ વર્ષના સગીરની પણ પોલીસે અટકાયત કરીને તેને બાળ અદાલતમાં રજૂ કરવાની કાર્યવાહી કરી હતી.

(7:39 pm IST)
  • ' પહેલે મતદાન ફિર જલપાન ' : બે ગજનું અંતર રાખો , માસ્ક પહેરો ,કોવિદ -19 ના નિયમોનું પાલન કરો : બિહાર ધારાસભા ચૂંટણીના પ્રથમ ચરણમાં આજ 71 બેઠકો ઉપર મતદાન નિમિત્તે વડાપ્રધાન શ્રી નરેન્દ્ર મોદીનું ટ્વીટ access_time 11:47 am IST

  • દેશમાં કોરોનાના નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 42,714 કેસ નોંધાયા:કુલ કેસનો આંકડો 79,88,783 થયો :એક્ટીવ કેસ ઘટીને 6,10,345 થયા:વધુ 58,006 દર્દીઓ સ્વસ્થ થતા કુલ 72,57,022 રિકવર થયા :વધુ 509 લોકોના મોત સાથે કુલ મૃત્યુઆંક 1,20,053 થયો access_time 1:08 am IST

  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST