Gujarati News

Gujarati News

News of Wednesday, 28th October 2020

પૂ. ખાનુરામજીની ૬૯મી વરસી ઉત્સવ ઓનલાઇન ઉજવાશે

શુક્રવારથી ૩ દિવસ મંદિરના લાઇવ દર્શન : પ્રવચન-પલ્લવ કવ્વાલી તથા મ્યુઝીકલ કાર્યક્રમ

પોરબંદર, તા. ર૮ : સંત શિરોમણી પૂ. ખાનુરામ, પરમ પૂજય માતા સાધણીનું મંદિર, મેમણવાડા, પોરબંદરના ગાદીપતિ સંતશ્રી દાંદુરામજીએ પોરબંદર સિંધી સમાજના આગવાનો સાથે સલાહ માર્ગદર્શન તેમજ સાથ સહકાર સાથે કોરોના મહામારીને ધ્યાનમાં રાખીને કોરોના સંક્રમણ વધુ ન ફેલાય તે હેતુ સાથે આ વખતે પોરબંદરમાં સંત શિરોમણી શ્રી ખાનુરામની ૬૯મી વરસી ઉત્સવ ત્રણ દિવસ તા. ૩૦થી તા. ૧ નવેમ્બર સુધી ઓનલાઇન ઉજવવામાં આવશે.

શહેરમાં દર વર્ષે મેમણવાડા ખાતેઆવેલ સંતશ્રી ખાનુરામજી, પૂજય માતા સાધણીજીના મંદિરે સંતશ્રી ખાનુરામ સાહેબજીનું વરસી ઉત્સવ સાત-સાત દિવસ સુધી ધાર્મિક, સામાજીક તેમજ શૈક્ષણિક પ્રવૃતિઓ સાથે ઉજવવામાં આવે છે. જેમાં હજારો ભકતજનો સ્થાનિક તેમજ બહારગામના દર્શનાર્થીઓ વરસી ઉત્સવમાં ઉજવવાતા પ્રસંગોનો લાભ લે છે પણ આ વખતે કોરોના મહામારીના કારણે સર્વેની સલામતી માટે સંતશ્રી ખાનુરામ સાહેબની વરસી ઉત્સવ ત્રણ દિવસ ઓનલાઇન ઉજવાશે. જેમાં બહારગામના ભકતજનોને પોરબંદર આવાનું નથી.

બધા કાર્યક્રમો લાઇવ ટેલીકાસ્ટ હોવાથી સહુ પોત પોતાના શહેર ઘરમાં સંતશ્રી ખાનુરામ સાહેબના વરસી ઉત્સવનો લાઇવ પ્રોગ્રામ સાથે મંદિરના લાઇવ દર્શનનો લાભ લેવા જણાવાયું છે.  તા. ૩૦ના શુક્રવારે રાત્રે ૧૦-૦૦ કલાકે રાજકોટના મશહુર કલાકાર કાસમ કવાલનો ઓનલાઇન લાઇવ પ્રોગ્રામ ટેલીકાસ્ટ કરવામાં આવશે.

બધા જ પ્રોગ્રામ XUTUBE તેમજ ફેસબુકની આઇડી 'સંત ખાનુરામ સાહેબ થલ્હી' પોબંદર પર ઓનલાઇન ટેલીકાસ્ટ થશે.

તા. ૩૧ના શનિવારે રાત્રે ૧૦-૦૦ કલાકેથી જામનગરની જય જુલેલાલ મ્યુઝીકલ પાર્ટીના પિન્ટુ જાંગીવાણી પોતાના સાથી કલાકારો સાથે ઓનલાઇન લાઇવ પ્રોગ્રામ રજુ કરશે. તેમજ તા. ૧-૧૧-ર૦ર૦ રવિારના છેલ્લા દિવસે સાંજે ૬-૦૦થી ૭-૦૦ વાગ્યા સુધી સહુ જ્ઞાતિજનો ભકતજનો પોત પોતાના શહેર ઘરે જ સંતશ્રી ખાનુરામ સાહેબની ૬૯મી વરસી ઉત્સવ ઉજવવા મંદિર થલ્હીના ગાદીપતિ સંતશ્રી દાંદુરામજી, સર્વે સિંધી પરિવારોને અપીલ કરી છે. તેમજ તા. ૧ નવેમ્બર સાંજે ૭-૦૦થી ૭-૩૦ વાગ્યા સુધી સ્થાનિક તેમજ બહારગામના સર્વે ભકતજોને મંદિરના દર્શન ઓનલાઇન કરવામાં આવશે અને મંદિર થલ્હીના ગાદીપતિ સંતશ્રી દાંદુરામ સાહેબજી વરસી ઉત્સવ પ્રસંગે ઓનલાઇન પ્રવચન સાથે પલ્લવ આશિર્વાદ પાઠવશે. તેમજ તા. ૧ નવેમ્બરના રવિવારે રાત્રે ૮-૦૦ કલાકેથી રાજકોટના યુવા સીગર રાજા વનવાણીનો ઓનલાઇન ધમાકેદાર પ્રોગ્રામ રજુ થશે.

મંદિર થલ્હીના ગાદીપતિશ્રી દાંદુરામજીએ બહારગામના સર્વે ભકતજનોને અપીલ કરી છે કે બહારગામથી કોઇપણ ભકતજનને પોરબંદર આવવાનું નથી. સહુ ભકતજન દરેક લાઇવ પ્રોગ્રામો ઘરબેઠા માણે માત્ર ઓનલાઇન પ્રોગ્રામો જ હોવાથી આ વખતે મંદિરે કોઇ પણ કાર્યક્રમોનું આયોજન કરવામાં આવેલ નથી. વરસી ઉત્સવના કાર્યક્રમને સફળ બનાવવા માટે મુલચંદભાઇ નવલાણી, સતિષ નવલાણી, રાજા નવલાણી, સુનિલ નવલાણી સહિત સંઘી સમાજના આગેવાનો તેમજ સેવાદારીઓ જહેમત ઉઠાવી રહ્યા છે.

(11:38 am IST)
  • વીજળીના દરમાં પ્રતિ યૂનિટ ૧૯ પૈસાનો ઘટાડો : ઊર્જા મંત્રી સૌરભ પટેલની જાહેરાત : ફ્યુલ સરચાર્જમા કરાયો ઘટાડો : ૧૪૦ કરોડ ગ્રહકોને થશે ફયદો : ઉધ્યોગ જગતને વીજળીબીલમાં રાહત access_time 5:41 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST