Gujarati News

Gujarati News

News of Tuesday, 27th October 2020

ગોંડલના ગુંદાળા રોડ પર બે બાઈક સામસામે અથડાતા દાદા-પૌત્રના કરૂણમોત

ગરનાળા ગામે આવેલ વાડીએ બિયારણ અને જંતુનાશક દવાઓ લઇ જતા હતા ત્યારે સંતરામ પેટ્રોલિયમ પાસે બાઈક ધડાકાભેર અથડાયું

 

ગોંડલ : ગોંડલ ખાતે બે બાઈક સામ સામે અથડાતા પાટીદાર યુવાન અને તેના દાદાનું મોત થયું હતું. જો કે, બે લોકોને સામાન્ય ઈજા થતા તેઓને સારવાર માટે હોસ્પિટલ લઈ જવામાં આવ્યા હતા. દાદા-પોત્રના મોતને લઈ પરિવારજનોમાં ભારે શોકનો માહોલ જોવા મળી રહ્યો છે.

ગોંડલમાં આવેલ નંદનવન સોસાયટીમાં રહેતા પટેલ પ્રવિણભાઇ હંસરાજભાઈ વિરપરીયાના પિતા હંસરાજભાઈ .80 તથા પુત્ર હિતેન .35 સવારે આઠના સુમારે બાઇક મારફ્ત ગરનાળા ગામે આવેલ પોતાની વાડીએ બિયારણ અને જંતુનાશક દવાઓ લઇ જઇ રહયા હતા. તે વેળાએ ગુંદાળા રોડ પર સંતરામ પેટ્રોલિયમ પાસે સામેથી ઘસી આવેલા અન્ય બાઇક સાથે ધડાકાભેર અથડાતા સર્જાયેલ અકસ્માત સર્જાયો હતો. અક્સ્માતમાં બે લોકોને ઈજાઓ થઈ હતી અને દાદા હંસરાજભાઈનું ઘટના સ્થળે મોત નિપજ્યું હતું.

જો કે, અન્યને ગંભીર ઈજાઓ થતા તેને તાત્કાલિક સારવાર માટે હોસ્પિટલ ખસેડાયો હતો. જયા હાજર તબીબોએ તેને મૃત જાહેર કર્યો હતો. બનાવને લઈ પોલીસે અક્સ્માતનો ગુનો નોંધી આગળની તપાસ હાથ ધરી છે.

(12:38 am IST)
  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST

  • ' યુ.કો.બેંકમાં સ્પેશિયાલિસ્ટ ઓફિસરોની ભરતી ' : સિક્યુરિટી ઓફિસર્સ ,એન્જીનીયર્સ ,આઇટી ઓફિસર્સ ,ચાર્ટર્ડ એકાઉન્ટન્ટ્સ ,સહીત કુલ 91 જગ્યાઓ ઉપર અરજી કરવાનો મોકો : વય મર્યાદા 21 થી 40 વર્ષ : અરજી કરવાની તારીખ 27 ઓક્ટોબરથી 17 નવેમ્બર સુધી : IBPS વેબસાઈટ દ્વારા અરજી કરી શકાશે access_time 11:44 am IST

  • મગફળી ખરીદી : ત્રીજા દિવસે રાજકોટ શહેર-જીલ્લામાં ૧ હજારથી વધુ ખેડૂતોને બોલાવાયા : ર૦૦થી વધુ આવ્યા : ઉતારા-ભેજમાં ઘટાડા અંગે ચાલી રહેલી સતત માથાકુટ : દેકારો : રાજકોટ શહેર-જીલ્લામાં ચાલી રહેલ મગફળી ખરીદીમાં આજે ત્રીજા દિવસે ૧ હજારથી વધુ ખેડૂતોને બોલાવાયા : ર દિવસમાં પ હજાર કિલોથી વધુ ખરીદી : આજે બપોર સુધીમા ર૦૦ ખેડૂતો આવ્યા : ઉતારામાં ઘટાડો-ભેજમાં વધારો અંગે ગ્રેડરો-ખેડૂતો-તંત્ર વચ્ચે અનેક કેન્દ્રો ઉપર સતત માથાકુટ-દેકારો : સરકારમાં ઉચ્ચસ્તરે રજુઆત access_time 3:37 pm IST