Gujarati News

(કૌશલ સવજાણી દ્વારા) ખંભાળિયા  તા.ર૮ :  ખંભાળિયા તાલુકાના મોવણા ગામે પાસે નદીના પાણીમાં એક યુવાનની લાશ તરતી હોવાની વિગત પરથી ગઇકાલે ખંભાળિયા પો.ઇ.જી.આર.ગઢવી તથા સ્ટાફે ઘટના સ્થળે જઇને તપાસ કરતા હાડકાનો માવો થવા જેવી સ્થિતિના એક યુવાનની લાશ મળી આવી હતી. જે યુવાન ૧૦-૧ર દિવસ પહેલા મરી ગયાનું અનુમાન કરાયુ હતુ. સતત પાણીમાં કોહવાય ગયેલી આ લાશ ચામડી ખવાઇ જતા ખોપરીમાં પાંસળીઓ સાથે હાડકાના માળા જેવી અત્યંત ભયાનક લાશને પોલીસે પી.એમ.કરવાની કાર્યવાહી તથા તપાસ હાથ ધરી હતી કે ખરેખર મૃતયુ અકસ્માત કે આત્મહત્યા કે પછી હત્યા છે.

મૃતકે પહેરેલા શર્ટ પર પી. સવાણી ગ્રુપ ઓફ સ્કુલ્સ સુરતનું સ્ટીકર હતુ તથા આ શિક્ષક કે કોઇ વિદ્યાર્થી કોણ છે તે દિશામાં પણ પોલીસ તપાસ હાથ ધરી છે. નજીકના વિસ્તારોમાં ૧૦-૧ર દિવસમાં ગુમ થયેલા વ્યકિતઓ આ અંગે પણ તપાસ હાથ ધરવામાં આવી છે.