Gujarati News

Gujarati News

News of Monday, 28th May 2018

ભાવનગરના ચમારડીમાં ગૌચર જમીન મુદ્દે ધરણા પર બેસેલા અેક માલધારીનું મોત નિપજ્યા બાદ વધુ અેક માલધારીની તબિયત લથડી

ભાવનગરઃ ભાવનગર જિલ્લાના ચમારડીમાં ગૌચર જમીનના મુદ્દે ઉપવાસ કરી રહેલ અેક માલધારીનું મોત નિપજ્યા બાદ વધુ અેક માલધારીની તબિયત લથડતા દોડધામ મચી ગઇ છે.

ભાવનગરના વલ્લભીપુરના ચમારડી ગામે ગૌચરની જમીન મુદ્દે છેલ્લા ઘણા દિવસોથી વિવાદ ચાલી રહ્યો છે. ત્યારે ગૌચર જમીન મામલે ધરણા પર બેસેલા માલધારીની તબિયત લથડી છે. જેથી તેને સારવાર માટે નજીકની હોસ્પિટલમાં ખસેડવામાં આવ્યા છે.

મહત્વનું છે કે આ પહેલા ઉપવાસ આંદોલન દરમિયાન એક માલધારીની તબીયત લથડતા તેને ભાવનગરની સર ટી. હોસ્પિટલમાં ખસેડવામાં આવ્યા હતા. પરંતુ ફરજ પરના તબીબે મૃત જાહેર કરતા હોબાળો મચી ગયો હતો. જેને પગલે પોલીસ પણ હોસ્પિટલ દોડી ગઇ હતી.

ઉલ્લેખનિય છે કે વલ્લભીપુરના ચમારડી ગામે ગૌચરની જમીન આપવા માટે સરકાર વિરૂદ્ધ છેલ્લા ઘણા દિવસથી માલધારીઓ ઉપવાસ આંદોલન પર બેઠા હતા. ત્યારે આજે એક માલાધારીની તબિયત લથડી જતાં તેને ભાવનગરની સર ટી. હોસ્પિટલે સારવાર માટે ખસેડાયા છે. મહત્વનું છે કે આ માલધારીઓ કલેક્ટર કચેરી પાસે ઉપવાસ પર બેઠા છે.

(6:41 pm IST)
  • ગુજરાત બોર્ડ દ્વારા ધો. 10નું પરિણામ સવારે 5 વાગ્યે બોર્ડની વેબસાઈટ www.gseb.org તથા www.gipl.net પર જાહેર કરાયું : બોર્ડ દ્વારા સવારે વેબસાઈટ પર પરિણામ જાહેર કરાયા બાદ માર્કશીટ પણ સોમવારે જ આપી દેવાનું આયોજન : ધો.10ની માર્કશીટનું વિતરણ જિલ્લાના વિતરણ સ્થળોએ સવારના 11 વાગ્યાથી બપોરના 2 વાગ્યા સુધી કરવામાં આવશે : જે-તે સ્કૂલોએ વિતરણ સ્થળોએથી માર્કશીટ મેળવી લઈ વિદ્યાર્થીઓને આપવાની રહેશે. access_time 8:19 am IST

  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST

  • રાજકોટમાં તાપ સાથે લૂ :શહેરમાં આકરો તાપ વરસી રહ્યો છે, બપોરે ૨:૩૦ વાગ્યે ૪૧.૨ ડિગ્રી : ૨૨ કિ.મી.ની ઝડપે ગરમ લૂ ફૂંકાઈ રહી છે : જાહેર માર્ગો સૂમસામ access_time 4:01 pm IST