Gujarati News

Gujarati News

News of Monday, 28th May 2018

તળાજા પાસે ફોરવ્હીલે બે બાઈકસ્વાર ત્રણ કિશોરને ઉલાળ્યાઃ બે ના મોત

ત્રીજો યુવાન ડુંગરપુરનો ગંભીર છેઃ એક મૃતક ધો. ૯માં અભ્યાસ કરતો'તોઃ હિટ એન્ડ રનથી અરેરાટી

ભાવનગર, તા. ૨૮ :. અરેરાટી ઉપજાવતી અકસ્માતની ઘટનાની તળાજા રેફરલ હોસ્પીટલ પરથી મળતી પ્રાથમિક વિગતો અનુસાર શહેરના દિનદયાળનગર વિસ્તારમાં રહેતા પવન મુકેશભાઈ શિયાળ (ઉ.વ. ૧૫) તથા નજીકમાં આવેલ ડો. ચૌહાણની વાડીમાં રહેતા નિતીન નરશીભાઈ ભાલીયા (ઉ.વ.૧૫) બાઈક નં. જીજે ૦૪ ડીસી ૮૩૬૭ ઉપર દૂધ લઈ આવતા હતા. રાત્રીના લગભગ આઠેક વાગ્યાના આ સમયે અજાણ્યા વાહન ચાલકે બાઈક સવાર કિશોરો સાથે અન્ય એક યુવાન હાર્દિક બટુકભાઈ સોલંકી સાથે અકસ્માત સર્જી વાહન સાથે જ ફરાર થઈ ગયો હતો.

આ અકસ્માતમાં તળાજાના બન્ને કિશોરના કમકમાટી ભર્યા મૃત્યુ થયા હતા. જેમાં પવન મુકેશભાઈ શિયાળ ધો. ૯માં આદર્શ સ્કૂલમાં અભ્યાસ કરતો હોવાનું જાણવા મળેલ છે.

બનાવને લઈ ઈજાગ્રસ્ત અને મૃતકને તળાજા રેફરલ હોસ્પીટલ ખાતે ખસેડવામાં આવેલ. જ્યાં કોળી સમાજ સહિત દરેક સમાજના સેવાભાવી લોકો દોડી આવ્યા હતા. મુસ્લીમ સમાજના યુવાનો પણ સેવામાં જોડાયા હતા.

અકસ્માત કઈ રીતે સર્જાયો ? બાઈકસવારો સહીતની વિગતે પોલીસ દ્વારા તપાસ હાથ ધરાશે.(૨-૫)

(11:44 am IST)
  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST

  • ઉત્તર પ્રદેશના ઉન્નાવ જિલ્લામાં વીજળી પડતા પાંચ લોકોના મોત :4 લોકો ઘાયલ :જિલ્લામાં જોરદાર આંધી અને વાવાઝોડાને કારણે કેટલાય સ્થળે વીજળી ખાબકી હતી :દેશના હવામાનમાં પલટો ;કેરળમાં ચોમાસુ પહોચ્યું :આગામી 24 કલાકમાં વિભિન્ન જગ્યાંએતાપમાં ઘટવાની સાથે ગરમીમાં રાહત મળવાની શકયતા છે access_time 1:12 am IST