Gujarati News

Gujarati News

News of Monday, 28th May 2018

બગસરામાં મામલતદાર કચેરીમાં આધારકાર્ડ મેળવવા લોકોને હાલાકી

બગસરા, તા.૨૮: બગસરામાં મામલતદાર કચેરી ખાતે આધારકાર્ડ કાઢી આપવા માટે એક અલાયદો વિભાગ શરૂ કરવામાં આવેલો છે પરંતુ આ વિભાગ દ્વારા પોતાના મનદ્યડત નિયમોને કારણે લોકોને ધક્કા થઈ રહ્યા છે.

આધાર કાર્ડની કામગીરીમાં સવારના સમયે ૧૫ ફોર્મ તેમજ બપોર પછી બીજા ૧૫ ફોર્મ એવી રીતે નિયમો બનાવી નાખતા તેમજ આ બાબતે કોઇ સ્પષ્ટ જાહેરાત કે સૂચના લગાડવામાં આવેલ ન હોય લોકો ધક્કા ખાઈ રહ્યા છે. ગામડેથી આવતા લોકોં કચેરીએ પહોંચી ત્યાં સુધીમાં જો પંદર ફોર્મનું વિતરણ થઇ ચૂકયું હોય તેમને સાંજ સુધી રોકાવાનું ફરજિયાત બની રહે છે. આ ઉપરાંત આધારકાર્ડની કામગીરી જે વિભાગમાં કરવામાં આવે છે તે વિભાગ દ્રારા રિસેસના સમયની કોઈપણ પ્રકારે સ્પષ્ટતા કરેલ ના હોવાથી લોકોને પણ રિસેસનાં સમય બાબતે ખ્યાલ આવતો નથી. આમ લોકોને નાછૂટકે પોતાનો સમય બચાવવા માટે શહેરમાં ચાલતા પ્રાઇવેટ આધાર કાર્ડ કેન્દ્ર નો સહારો લેવો પડે છે, જયારે સરકાર દ્વારા શરૂ કરવામાં આવેલી વિનામૂલ્યે સુવિધાનો લાભ લઈ શકાતો નથી. આ બાબતે આધારકાર્ડની કામગીરી કરતા વિભાગને યોગ્ય સૂચનાઓ મામલતદાર કચેરી દ્વારા આપવામાં આવે તેવી લોકો માંગ કરી રહ્યા છે. (૨૩.૨)

(10:48 am IST)
  • ભાજપના સાંસદ શત્રુઘ્નસિંહાએ મોદી સરકારના ચાર વર્ષ પુરા થવા પ્રસંગે પાર્ટીને નિશાને લીધી :શોટગને કહ્યું કે છેલ્લા ચાર વર્ષમાં ભાજપની ઉપલબ્ધી રહી છે માત્ર વાયદા વાયદા અને વધુ વાયદા કરવા : શત્રુઘ્ને ટ્વીટર પર લખ્યું કે મને એવો સવાલ પુછાઈ રહ્યો કછે કે મોદી સરકારની ચાર વર્ષની ઉપલબ્ધી શું છ? તો મારો જવાબ છે કે કામ નહીં પરંતુ માત્ર વાયદો કરવો : શત્રુઘ્નસિંહાએ કહ્યું કે તેની પાર્ટી વાયદા અને વાયદા અને માત્ર વાયદા કરવામાં સૌથી અવ્વલ નંબરની પાર્ટી બની છે. access_time 7:15 am IST

  • રાજકોટમાં તાપ સાથે લૂ :શહેરમાં આકરો તાપ વરસી રહ્યો છે, બપોરે ૨:૩૦ વાગ્યે ૪૧.૨ ડિગ્રી : ૨૨ કિ.મી.ની ઝડપે ગરમ લૂ ફૂંકાઈ રહી છે : જાહેર માર્ગો સૂમસામ access_time 4:01 pm IST

  • ગત યુપીએ સરકારની પરિયોજનાનો શ્રેય લેવા બાગપત ગયા પરંતુ શેરડીના ખેડૂતો પર ધ્યાન ન આપ્યું :કોંગ્રેસ અધ્યક્ષ રાહુલ ગાંધીએ વડાપ્રધાન પર કર્યો પ્રહાર access_time 7:15 am IST