Gujarati News

Gujarati News

News of Monday, 28th May 2018

લોધીકામાં ઉજાલાનું સેન્ટર બંધ થતા લોકો ને હાલાકી

ચાંદલીના સામાજીક કાર્યકરની રજુઆત

લોધીકા તા ૨૮ : રાજયમાં વિજળીની બચત થાય અને લોકોને પાવર બીલ ઓછુ આવે તેવા હેતુ થી રાજય સરકાર દ્વારા ઉજાલા યોજના હેઠળ એલ.ઇ.ડી. લેમ્પ, ટયુબ, પંખા વિગેરે ઉપકરણો ના વિતરણ માટે ગામે-ગામ સેન્ટરો ૈઉભા  કરવામાં આવેલ છે ત્યારે તાલુકા મથંકના લોધીકા ગામે આ સેન્ટર બંધ કરી દેવાતા લોકોમાં રોષની લાગણી વ્યાપી ગયેલ છે.

ચાંદલીના સામજીક કાર્યકર દિલીપસિંહ જાડેજા એ રજુઆતમાં જણાવેલ  છે કે રાજય સરકાર દ્વારા ઉજાલા યોજના હેઠળ ગામે-ગામ સેન્ટરો ઉભા કરવામાં આવેલ છે જે અન્વયે લોધીકા ગામે પણ આ સેન્ટર કાર્યરત થયેલ જયા લોધીકા સહીત તાલુકા ભરના ગામોના લોકો લાભ લેતા હતા પરંતુ છેલ્લા ઘણા સમયથી આ સેન્ટર બંધ કરી દેવાતા ગ્રામ્ય વિસ્તારના લોકો વિજળી ઉપકરણો લેવા કે બદલવા જાય છે ત્યારે  ધરમ ધકો થાય છે. લોકો પરેશાની ભોગવી રહેલ છે. અનેક વખત રજુઆત કરવા છતાં સેન્ટર શરૂ કરવામાં તેમને રસ ન હોય તેમ કોઇ કાર્યવાહી થતી નથી, જેથી લોકો વિજળી ઉપકરણો લે.વા કે બદલવા જાય છે ત્યારે સેન્ટર બંધ કરી દેવામાં આવેલ હોય લોકોમાં રોષ છે. તંત્ર દ્વારા આ સેન્ટર ચાલુ કરવા લોકોની માંગણી છે. (૩.૧)

(10:47 am IST)
  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • ૧લી જૂને વિશ્વની શ્રેષ્ઠતમ હવામાન આગાહી સિસ્ટમ્સ ખુલ્લી મૂકાશેઃ અતિ ખરાબ હવામાન (સિવીયર વેધર) સહિતની આગાહીઓ સચોટ કરી શકાશે : ૨૪-૪૮ કલાકમાં હવે કેરળના કાંઠે ચોમાસુ બેસી જશે : ૪૮ કલાકમાં કેરળ અને લક્ષદ્વીપમાં ધોધમાર - ભારે વરસાદની આગાહી access_time 10:33 am IST

  • ભારતીય વાયુસેના માટે રશિયા પાસેથી એસ-400 ટ્રિમફ વાયુરક્ષા મિસાઈલ ખરીદવા માટે કિંમત બાબતે વાતચીત પૂર્ણ :સોદો અંદાજે 40,000 કરોડમાં નક્કી થયાના અહેવાલ :હવે બન્ને દેશો અમેરિકાના કાનૂનના પ્રાવધાનોથી બચવાના તરીકા શોધી રહ્યાં છે :આ સોદાની જાહેરાત વડાપ્રધાન નરેન્દ્રભાઈ મોદી અને રશિયાના રાષ્ટ્રપતિ પુતિન વચ્ચે ઓક્ટોબરમાં થનાર વાર્ષિક શિખર સંમેલનમાં થવાની શકયતા છે . access_time 11:32 pm IST