Gujarati News

Gujarati News

News of Monday, 28th May 2018

ભાવનગર જીલ્લાના સિહોરમાં ચાલુ બાંધકામે પીલોર પડતા યુવકનું મોત

ભાવનગર, તા. ર૮ : બનાવની મળતી વિગતો મુજબ ભાવનગર જીલ્લાના સિહોરમાં રામ પાર્ક વિસ્તારમાં મકાનનું બાંધકામ ચાલુ હતું જયારે ચાલુ કામે પીલોર પડતા કામ કરી રહેલા સિહોરના સવગુણનગર પાંપવડા વિસ્તારમાં રહેતા હસમુખ ઉર્ફે કાળુભાઇ બિજભાઇ રાઠોડ ઉ.વ.ર૭નું ગંભીર ઇજા થતા તેનું મોત નિપજયું હતું.

સગીરાની છેડતી

ભાવનગર જીલ્લાના મહુવાના રૂપાવટી ગામે રહેતી ૧પ વર્ષની સગીરા સવારના સમયે કુદરતી હાજતે જતી હતી ત્યારે આ ગામમાં જ રહેતા વિજય દેવજીભાઇ નામના શખ્સે તેણીની પાછળ જઇ બિભત્સ ચેનપાળા  કરતા તેને સગીરાએ ઠપકો આપતા માર મારી ધમકી આપી હતી. આ અંગે પોલીસ ફરીયાદ નોંધાવાતા પોલીસે ગુન્હો નોંધી તપાસ હાથ ધરી છે.(૮.૪)

 

(10:44 am IST)
  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • વરિષ્ઠ અધિકારી સુશીલ ચંદ્રનનો સીબીડીટીના ચેરમેનનો કાર્યકાળ એક વર્ષ વધારી દેવાયો છે તેઓ હવે આવતા વર્ષનાં મે મહિના સુધી પોતાના પદ પર રહેશે. અત્રે ઉલ્લેખનીય છે કે, 1 નવેમ્બર 2016 ના સીબીડીટીના અધ્યક્ષ પદે તેમની વરણી કરવામાં આવી હતી.ત્યાર બાદથી તેમને આ બીજુ એક્સટેંશન અપાયું છે સીબીડીટીનાંચેરમેન પદે રહીને તેઓએ ઘણા ઉલ્લેખીય કામો કર્યા હોવાથી તેઓ સરકારની ગુડબુકમાં છે. આઈઆઈટીમાં સ્નાતક અને 1980 બેંચના આઈઆરએસ ઓફીસર ચંદ્રનનો કાર્યકાળ ગત વર્ષે પણ વધારવામાં આવ્યો હતો. access_time 7:18 am IST

  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST