Gujarati News

Gujarati News

News of Monday, 28th May 2018

ભત્રીજીની ફોન પર પજવણી કરતાં સોયેબને ટપારતાં કડીયા પ્રોૈઢને છરીના ઘા ઝીંકાયા

વિસાવદરના જીવાપરાનો બનાવઃ અશ્વિનભાઇ કાચાને રાજકોટ ખસેડાયા

રાજકોટ તા. ૨૮: વિસાવદરના જીવાપરા ગામે રહેતાં કડીયા પ્રોૈઢે પોતાની ભત્રીજીની ફોન પર પજવણી કરતાં મુસ્લિમ શખ્સને સમજાવતાં તેણે ખાર રાખી છરીથી હુમલો કરી પેટ-પડખામાં બે ઘા ઝીંકી દેતાં સારવાર માટે રાજકોટ ખસેડાયા છે.

જીવાપરામાં રહેતાં અને કડીયા કામ કરી ગુજરાન ચલાવતાં અશ્વિનભાઇ વિરજીભાઇ કાચા (ઉ.૫૦) નામના કડીયા પ્રોૈઢ રવિવારે સાંજે ચારેક વાગ્યે સાઇકલ હંકારી ગામમાંથી નીકળ્યા ત્યારે ગામનો જ સોયેબ બાઇક પર સામે આવતાં તેણે સાઇકલ સાથે બાઇક અથડાવી પછાડી દઇ છરીથી હુમલો કરતાં લોકો ભેગા થઇ ગયા હતાં. અશ્વિનભાઇને ગંભીર ઇજા પહોંચી હોઇ જુનાગઢ સારવાર અપાવી રાજકોટ સિવિલમાં ખસેડાયા છે.

અશ્વિનભાઇને સંતાનમાં બે પુત્ર અને એક પુત્રી છે. તેના પુત્ર મહેન્દ્રના કહેવા મુજબ મારા મોટા બાપુની દિકરી જે સતર વર્ષની છે તેને સોયેબ ફોન કરી પજવણી કરતો હોઇ તે બાબતે મારા પિતા અશ્વિનભાઇએ સોયેબને ઠપકો આપ્યો હતો. આ કારણે ખાર રાખી હુમલો કરાયો હતો. હોસ્પિટલ ચોકીના એએસઆઇ થોભણભાઇ ટીલારા અને દિપસિંહ ચોૈહાણે વિસાવદર પોલીસને જાણ કરી હતી. (૧૪.૭)

(10:42 am IST)
  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • રાજકોટમાં તાપ સાથે લૂ :શહેરમાં આકરો તાપ વરસી રહ્યો છે, બપોરે ૨:૩૦ વાગ્યે ૪૧.૨ ડિગ્રી : ૨૨ કિ.મી.ની ઝડપે ગરમ લૂ ફૂંકાઈ રહી છે : જાહેર માર્ગો સૂમસામ access_time 4:01 pm IST

  • કેન્દ્ર સરકાર વિરુદ્ધ આમ આદમી પાર્ટી યુપીમાં પદયાત્રા કરશે :25 જૂનથી 8 જુલાઈ સુધી વારાણસીથી બલિયા વચ્ચે પદયાત્રા કરાશે : મોદી સરકારના ચાર વર્ષ પુરા થતા ભાજપ દ્વારા થતી ઉજવણી પર સવાલ ઉઠાવતા આપના સાંસદ સંજયસિંહ : લખનઉમાં પાર્ટી પદાધિકારી સાથે બેઠક યોજાઈ access_time 7:15 am IST