Gujarati News

Gujarati News

News of Monday, 28th May 2018

ધોરાજી કે.ઓ.શાહ કોલેજમાં નેચરોપેથી-યોગ શિબિર

 ધોરાજીઃ કેઓ શાહ કોલેજના હોલમાં રાજકોટની વિશ્વેશ ઇન્સ્ટીટયુટ ઓફ નેચરોપથી એન્ડ યોગ સંસ્થા દ્વારા રામજીભાઇ ભુરાભાઇ હુંબલ પરિવાર ધોરાજી દ્વારા શિબિરનું આયોજન કરવામાં આવ્યું જેમાં નેચરોપેથી અને યોગ દ્વારા નિરોગી તથા દીર્ધાયુ જીવન પ્રાપ્ત કરવા માટે તમામ શારીરીક તથા માનસિક રોગોના નિવારણ માટે નિષ્ણાત પ્રાકૃતિક ચિકિત્સકો દ્વારા નિઃશુલ્ક રોગ સારવાર જેમાં ડાયાબીટીસ  બ્લડ પ્રેશર વજન ઘટાડવા વજન વધારવા એસીડીટી અસ્થમાં આર્થરાઇટીસ કમરનો અને ગોઠણનો દુખાવો શરદીથી લઇને કેન્સર સુધીના તમામ રોગોના નિવારણ માટે દવા વગર સારવાર અંગે નિઃશુલ્ક વ્યકિતગત માર્ગદર્શન આપવામાં આવ્યું અને પ્રાકૃતિક ચિકિત્સાની આ શીબીરમાં રપ૦ લોકોએ લાભ લીધો હતો. આ શિબિરમાં રાજકોટના વિશ્વેશ ઇન્સ્ટીટયુટ ઓફ નેચરોપથીના સંચાલક દિક્ષેશભાઇ પાઠક દ્વારા નેચરોપીથી વિશે સંપૂર્ણ માર્ગદર્શન આપવામાં આવ્યું હતું. તેમજ પ્રોજેકટ દ્વારા વિડીયો ડીસ્પલેથી સરળતાથી સમજ આપવામાં આવી હતી. વિશેષમાં મહાત્મા ગાંધીજી નેચરોપેથી ચિકિત્સાના હિમાયતી હતા તેમના સુચવેલા વિચારો રજુ કરવામાં આવ્યા હતા. રાજકોટથી પધારેલા માધવી પાઠક, કૃષ્ણકુમાર મેત્રા, ભરતભાઇ લોખીલ, હરીશભાઇ ઠકકર, અર્ચનાબેન શાહ, કાશ્મીરાબેન, વેકરીયા કાજલબેન પીઠડીયા ભારતીબેન સેજપાલ સરોજબેન મેત્રા હાજર રહ્યા હતા. અને ધોરાજીના આાયોજક સુરેશભાઇ રામજીભાઇ હુબલ કેઓ શાહ કોલેજના પ્રિન્સીપાલ ડો.સી.વી.બાલધા પતંજલી આરોગ્ય કેન્દ્રના નિલેશભાઇ રાવરાણી જીગ્નેશભાઇ પરમાર, હિતેષભાઇ પાદરીયા, પાયલબેન ભટ્ટ, ધારાબેન ટોપીયા, ફોરમબેન અંટાળા અંકીતાબેન અંટાળા, પાયલબેન સાંગાણી અને કોલેજનો સ્ટાફ ઉપસ્થિત રહ્યો હતો. (તસ્વીર-અહેવાલઃ ધર્મેન્દ્ર બાબરીયા-ધોરાજી)

(8:58 am IST)
  • ૧લી જૂને વિશ્વની શ્રેષ્ઠતમ હવામાન આગાહી સિસ્ટમ્સ ખુલ્લી મૂકાશેઃ અતિ ખરાબ હવામાન (સિવીયર વેધર) સહિતની આગાહીઓ સચોટ કરી શકાશે : ૨૪-૪૮ કલાકમાં હવે કેરળના કાંઠે ચોમાસુ બેસી જશે : ૪૮ કલાકમાં કેરળ અને લક્ષદ્વીપમાં ધોધમાર - ભારે વરસાદની આગાહી access_time 10:33 am IST

  • મોટી રકમ પહોંચાડવાના આક્ષેપ કૈરાના પેટાચુંટણીઃ આઝમખાને બીજેપી પર લગાવ્‍યો મુસ્‍લિમ મત ખરીદવાનો આરોપ access_time 4:59 pm IST

  • યુપીની કૈરાના બેઠક ઉપર અનેક ઈવીએમ મશીનોમાં ગરબડી : ભારે ધમાલઃ વિવાદનો મધપૂડો છેડાયોઃ અનેક બુથો ઉપર ઈવીએમ મશીનો કામ કરતા નથીઃ સપા-આરએલડી પક્ષ દ્વારા ચૂંટણી પંચને ફરીયાદઃ મુસ્લિમ-દલિત વિસ્તારોમાં ખરાબ ઈવીએમ મશીનો બદલી દેવાતા નથીઃ ૧૭૫ પોલીંગ સ્ટેશન ઉપર ઈવીએમ-વીવીપેટ મશીનોમાં ગરબડી access_time 4:12 pm IST