Gujarati News

Gujarati News

News of Saturday, 28th March 2020

કાળા બજાર કરનારની માહિતી આપો : વાંકાનેરના ચીફ ઓફિસર સરૈયાની સાફ વાત

નગરપાલિકાના સ્વયંસેવકો જરૂરી ચીજો ઘરે પહોંચાડશે : ડરશો નહિ-ચિંતા ના કરતા

વાંકાનેર : કોરોના મહામારી વચ્ચે વેપારીઓ કાળાબજારી કરી રહ્યા છે ત્યારે વાંકાનેરના ચીફ ઓફિસરે જનતા જોગ સંદેશ આપીને જીવનજરૂરી ચીજવસ્તુઓ સરળતાથી મળી રહે તેવું આયોજન કરાયું હોવાની ખાતરી આપી છે.

વાંકાનેર નગરપાલિકાના ચીફ ઓફિસર ગીરીશ સરૈયાએ જાહેર જનતાને જણાવ્યું છે કે કરિયાણું, શાકભાજી, દવાઓ અને દૂધ મેળવવામાં કોઈ તકલીફ ના પડે તે માટે તંત્ર કાર્યરત છે લોકોએ દ્યરમાં જ રહેવાનું છે અને જીવન જરૂરી ચીજવસ્તુઓ વાંકાનેર નગરપાલિકા અને સ્વંયસેવકો દ્વારા દ્યરે જ મળી રહે તે પ્રકારે આયોજન કરવામાં આવેલ છે જેથી ડરવાની કે ચિંતા કરવાની જરૂર નથી સમયમાં વેપારીઓ કાળા બજાર કરતા હોવાની બુમરાણ સંભળાઈ રહી છે જેથી કોઈ દુકાનદાર કાળા બજાર કરતો હોય અને ચીજવસ્તુના વધુ ભાવ લેતા હોય તો જાણ કરવા જણાવ્યું છે. આવા તત્વોની દુકાન સીલ કરવાની કાર્યવાહી કરવામાં આવશે માહિતી આપવા  મોબાઈલ નંબર ૯૯૭૮૪ ૦૦૦૬૫ પર સંપર્ક કરવા યાદીમાં જણાવ્યું છે.

(12:00 pm IST)
  • દોઢ લાખ કંપનીના કર્મચારીઓ ઘરે બેસીને કામ કરે છે : દેશની ૧.૪૦ લાખ કંપનીઓએ તેમના કર્મચારીઓને ઘેર બેસી કામ કરવા મંજૂરી આપી છે, જેથી કોરોનાના ફેલાવવાને અટકાવી શકાય તેવી આરોગ્ય મંત્રાલયે જાહેરાત કરી છે access_time 3:54 pm IST

  • બુટલેગરોની અદ્દભૂત કળા : મદદ કરવાને બહાને દેશી દારૂની હોમ ડિલીવરી : અમદાવાદ : કોરોના વાયરસનો હાલ જે રીતે કહેર વર્તાઈ રહ્યા છે, તેવા સમયે લોકોને મદદ કરવાના બહાને દારૂ વેચવા માટે બુટલેગરો નવી મોડસ ઓપરેન્ડી અપનાવી રહ્યા છે. અમદાવાદના બહેરામપુરામાંથી બે શખ્સોને દારૂના જથ્થા સાથે પોલીસ ઝડપી પાડ્યા હતા. પોલીસ તપાસમાં એકટીવા પર સેનેટાઈઝર સર્વિસ લખાવીને ફરતા હતા અને ડેકીમાં દારૂ રાખીને હેરાફેરી કરતાં હોવાનું બહાર આવ્યુ છે. access_time 1:08 pm IST

  • પાકિસ્તાનમાં ૧૪૦૦ની નજીક આંક પહોંચ્યોઃ આજે સવારે પાકિસ્તાનમાં કોરોના પોઝીટીવનો આંક ૧૩૭૩ થયો છે : મૃત્યુઆંક ૧૧ છે. ૨૩ રીકવર થયા અને ૧૩૩૯ એકટીવ કેસો છે. ૭ સીરીયસ કેસ access_time 9:58 am IST