Gujarati News

જામનગર :  જામનગરમાં જિલ્લા તાલુકા અને નગરપાલિકાની ચૂંટણી માટે રવિવારે મતદાન પ્રક્રિયા માટે અનેક મતદાન મથકોએ કતારો લાગી હતી. માલધારી સમાજની બહેનો ઉપરાંત વયોવૃદ્ધ લોકો પણ લોકશાહીના પર્વને વધાવવા માટે મતદાન માટે મતદાન મથકે પહોંચ્યા હતા. ત્યારે જામનગરના ધારાસભ્ય રાઘવજી પટેલે ઢંઢા અને જિલ્લા ભાજપ પ્રમુખ રમેશભાઈ મુંગરાએ સૂર્યપરા ગામે મતદાન કર્યું હતું. મતદાન પૂર્વે જિલ્લા ભાજપ કાર્યાલયે સાંસદ પૂનમબેન માડમ, જામનગર જિલ્લાના ભાજપના ચૂંટણી ઇન્ચાર્જ ધનસુખભાઈ ભંડેરી, મહામંત્રી દિલીપભાઈ ભોજાણી સહિતના નેતાઓએ ભાજપ જામનગરની જિલ્લા પંચાયતની 24 અને 6 તાલુકાની 112 સીટો અને સિક્કા નગરપાલિકાના 7 વોર્ડની 28 સીટો જીતશે તેવો આશાવાદ વ્યક્ત કર્યો હતો. (તસવીરો:કિંજલ કારસરીયા, જામનગર)