Gujarati News

Gujarati News

News of Thursday, 28th January 2021

ગોંડલ યાર્ડમાં ડુંગળી-મરચાંની બમ્પર આવક, ખરીદી રોકાઈ

સૌરાષ્ટ્રના મોટા માર્કેટિંગ યાર્ડમાં વાહનોની લાઈન : રાજ્યના સૌથી મોટા યાર્ડમાં જગ્યા ન રહેતા મુશ્કેલી વધી

રાજકોટ, તા. ૨૮ : સૌરાષ્ટ્રના સૌથી મોટા ગણાતા ગોંડલ માર્કેટ યાર્ડમાં આજે સતત બીજા દિવસે ડુંગળી અને મરચાની બમ્પર આવક થઇ છે. આથી યાર્ડ સત્તાધીશો દ્વારા આવક બંધ કરવાની ફરજ પડી છે. યાર્ડની બહાર ડુંગળી અને મરચા ભરેલા વાહનોની લાંબી લાઇન લાગેલી છે. કડકડતી ઠંડીમાં ખેડૂતો ગત રાતથી જ ડુંગળી અને મરચા વેચવા માટે યાર્ડમાં આવી ગયા છે. પરંતુ આવક વધી જતા યાર્ડમાં ડુંગળી અને મરચા ઉતારવાની પણ જગ્યા રહી નથી. ગોંડલ માર્કેટ યાર્ડમાં ગઇકાલે યાર્ડ બહાર ચારથી પાંચ કિમી લાંબી મરચા ભરેલા વાહનોની લાંબી લાઇન લાગી હતી. આજે બીજા દિવસે યાર્ડમાં ૫૫ હજાર ભારી મરચાની આવક થઇ છે. આજે પણ યાર્ડ બહાર મરચા ભરેલા વાહનોની લાંબી લાઇન લાગી છે. પરંતુ યાર્ડ સત્તાધિશો દ્વારા જગ્યા ન રહેતા આવક બંધ કરી છે. આજે એક મણ મરચાનો ભાવ ૮૦૦થી ૩૩૦૦ રૂપિયા સુધી બોલાયો છે. ગોંડલ માર્કેટ યાર્ડમાં આજે ૧ લાખ બોરી ડુંગળીની આવક થઇ છે. એક મણ ડુંગળીનો ભાવ આજે ૨૫૦થી ૪૫૦ રૂપિયા સુધી બોલાયો છે. તેમજ ડુંગળી ભરેલા વાહનોએ યાર્ડ બહાર લાંબી લાઇન લગાવી છે. આ ખેડૂતોનો વારો આવતીકાલે આવે તેવી શક્યતા છે.

(9:22 pm IST)
  • ૪ ફેબ્રુઆરીએ ઓવૈસી ગુજરાતમાં : AIMIMના અધ્યક્ષ અસદુદીન ઓવૈસી ૪ ફેબ્રુઆરીએ ગુજરાત આવે તેવી શકયતાઃ અમદાવાદ અને ભરૂચ સહિતના જીલ્લાઓની મુલાકાત લેશેઃ પ્રદેશના હોદેદારો અને કાર્યકર્તાઓ સાથે ચર્ચા કરશે. access_time 3:00 pm IST

  • કાલે કલેકટરના અધ્યક્ષપદે લેન્ડગ્રેબીંગ કમિટીની ત્રીજી બેઠક : કુલ ૪૦થી વધુ કેસો અંગે તપાસ ચાલુ : કલેકટર શ્રી રેમ્યા મોહને પત્રકારોને જણાવ્યુ હતુ કે કાલે બપોર બાદ લેન્ડ ગ્રેબીંગ કમિટીની ત્રીજી બેઠક મળશેઃ આજ સુધીમાં ૪ કેસમાં ૧૧ આરોપી સામે સામે પગલા લેવાયા, હાલ હજુ ૪૦ કેસોની અરજી આવી છે... જે પ્રાંત તથા મામલતદાર લેવલે તપાસ ચાલુઃ કાલે નવા કેસો મુકાશે તે અંગે વિચારણા-તપાસ બાદ નિર્ણય લેવાશે access_time 2:59 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST