Gujarati News

Gujarati News

News of Thursday, 28th January 2021

પોલીસ ઉપર ફાયરીંગ કરનાર અમરેલી જીલ્લાના ૧૮ ગુન્હામાં સંડોવાયેલ અશોક બોરીચા ઝડપાયો

સાવરકુંડલા-અમરેલી-રાજુલા તા.ર૮ : અમરેલી જીલ્લામાં પોલીસ ઉપર ફાયરીંગ કરીને ભાગવા જતા અમરેલી જીલ્લામાં ૧૮ ગુન્હામાં સંડોવાયેલ સાવરકુંડલા તાલુકાના લુવારા ગામનો અશોક જૈતાભાઇ બોરીચા (ઉ.૩૧) ઝડપાયો છે.

પકડાયેલ આરોપી અશોક જૈતાભાઇ બોરીચા અમરેલી જિલ્લાનો લીસ્ટેડ હિસ્ટ્રીશીટર તેમજ પ્રોહી. બુટલેગર છે. તેના વિરૂદ્ધમાં ખુનના ગુન્હા-ર, ખુનની કોશિષના ગુન્હા-ર, મારામારીના ગુન્હા-૧ હથિયાર ધારાના ગુન્હા-૧, ગુજસીટોકનો ગુન્હો-૧, ધાર્મિક લાગણી દુભાવવાના ગૂન્હા-૧, બળજબરીથી મિલકત કઢાવી લેવાના ગુન્હા-૧ નામ.કોર્ટના જાહેરનામાં ભંગના ગુન્હા-ર તથા એપેડીમિક ડીસીઝ એકટના ગુન્હા-૧ તથા પ્રોહીબીશનના ગૂન્હા-૧૬ મળી કુલ ૩ર ગુનાઓ નોંધાયેલ છે.

ખુન, ખુનની કોશિષ હથિયાર ધારા વિસ્ફોટક પદાર્થ અધિનિયમ ભારતીય બનાવટના વિદેશી દારૂની મોટા પાસે હેરા-ફેરી સહીતના ગુન્હાઓ સંડોવોલ અશોક જૈતાભાઇ બોરીચા અંગે નામ.કોર્ટ દ્વારા દસથી વધુ સી.આર.પી.સી.કલમ ૭૦ મુજબના વોરંટ ઇસ્યુ કરવામાં આવેલ હતા અને નામ.સાવરકુંડલા કોર્ટ દ્વારા સસી.આર.પી.સી.૮ર મુજબના જાહેરનામા પ્રસિદ્ધ કરી બે વખત ભાગેડુ જાહેર કરવામાં આવેલ તેમજ સી.આર.પી.સી.કલમ ૮૩ મુજબ ભાગેડુ આરોપી તરીકે તેની મિલકત જપ્તીની કાર્યવાહી પણ કરવામાં આવેલ હતી.

પકડાયેલ આરોપી તથા ફાયર આર્મ્સ સહિતનો મુદામાલ ધોરણસરની કાર્યવાહી થવા સાવરકુંડલા રૂરલ પો.સ્ટે.માં સોંપી આપેલ છે.

આ કામગીરી અમરેલી પોલીસ અધિક્ષક નિર્લિપ્તરાયની સુચના અને માર્ગદર્શન મુજબ અમરેલી એલ.સી.બી.ઇન્ચાર્જ પોલીસ ઇન્સ. આર.કે.કરમટા પો.સ.ઇ.પી.એન.મોરી, અમરેલી એસ.ઓ.જી. પો.સ.ઇ. એમ.એ.મોરી સાવરકુંડલા રૂરલ પો.સ્ટે.ના પો.સ.ઇ. એ.પી.ડોડીયા તથા એલ.સી.બી. એસ.ઓ.જી. અને સાવરકુંડલા રૂરલ પો.સ્ટેની પોલીસ ટીમો દ્વારા કરવામાં આવેલ છે.

(1:14 pm IST)
  • ગુજરાત ATS એ, બનાવટી દસ્તાવેજોની મદદથી 15 વર્ષથી અમદાવાદમાં ગેરકાયદેસર રહેતા સરદારખાન પઠાણ તરીકે ઓળખાતા એક અફઘાન વ્યક્તિને ઝડપી લીધો છે. access_time 11:13 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST

  • દિલ્હીમાં ગાઢ ધુમ્મસઃ કડકડતી ઠંડી access_time 3:00 pm IST