Gujarati News

Gujarati News

News of Thursday, 28th January 2021

કાલે જોડિયા શ્રી ગીતા વિદ્યાલયમાં શ્રીરામ ચરિત માનસ અખંડ પાઠનો ૨૯માં વર્ષમાં પ્રવેશ

(હિતેશ રાચ્છ દ્વારા) વાંકાનેર, તા.૨૮: જોડિયાના શ્રી રામ કૃષ્ણ સાધના ટ્રસ્ટ, શ્રી ગીતા વિદ્યાલય ખાતે આવેલ 'માનસ મંદિર' માં પૂજય શ્રી વિરાગમુનીજીની શુભ પ્રેરણા અને પૂજય શ્રી મોરારીબાપુના આશીર્વાદથી એવમ વિશ્વ કલ્યાણાર્થે જોડિયાધામ ની પાવન ભૂમિ માં શ્રી ગીતા વિધાલય ખાતે પૂજય શ્રી વિરાગમુનિજીએ માનસ મંદિર ખાતે પૂજય મોરારીબાપુના આશીર્વાદથી તા. ૨૯/૧/ ૧૯૯૩ના રોજ અખંડ શ્રી રામ ચરિત માનસની ચોપાઈના પાઠ અનુષ્ઠાન શરૂ કરાવેલા હતા જ આજે અવિરત શ્રી રામજીની કૃપાથી (૨૮) વરસ થી અવિરત આ પાઠ ચાલુ છે, આવતીકાલે અઠયાવીસ વરસ પુરા થશે અને ઓગણત્રીસ વર્ષમાં પ્રવેશ કરશે, (૨૯)માં વર્ષમાં આ અખંડ રામાયણની ચોપાઈના પાઠ અનુષ્ઠાન પ્રવેશ કરી રહયા છે જ પાવન પર્વે આજરોજ સવારથી શ્રી રામાયણની પ્રત્યેક ચોપાઈ દ્વારા આહુતિ સાથે  હોમાત્મક યજ્ઞનો શુભ પ્રારંભ આજે સવારે છ કલાકે થયેલ, જે યજ્ઞની પુર્ણાહુતી આવતીકાલે સાંજે થશે, આ હોમાત્મક યજ્ઞમાં શ્રી ગીતા વિદ્યાલયના સાધક ભાવિક ભકતજનોએ લાભ લીધેલ છે, ઉપરોકત તસ્વીરમાં શ્રી ગીતા વિદ્યાલયના ટ્રસ્ટી શ્રી વિનુભાઈ ચંદારાણા, શ્રી વિનાભાઇ કાનાણી, શાસ્ત્રીજી શ્રી ઉદયભાઈ, તેમજ શ્રી ગીતા વિદ્યાલય પરિવારના સાધક ભાવિક ભકિતજનો નજરે પડે છે આ કલિયુગ પર્વ માં આજે સતત (૨૮) વર્ષથી રામાયણની ચોપાઈના પાઠ જોડિયાના નગરજનો કરી રહયા છે જે અખંડ રામાયણ પાઠને આવતીકાલે (૨૯)માં વર્ષમાં પ્રવેશ થશે.આજે ૧૦૨૨૭ દિવસ પુરા થયા છે અને અખંડ રામાયણની ચોપાઇનાં પાઠ ૫૭૫૮ આજે પુરા થયા છે.

(11:36 am IST)
  • ગુજરાત ATS એ, બનાવટી દસ્તાવેજોની મદદથી 15 વર્ષથી અમદાવાદમાં ગેરકાયદેસર રહેતા સરદારખાન પઠાણ તરીકે ઓળખાતા એક અફઘાન વ્યક્તિને ઝડપી લીધો છે. access_time 11:13 pm IST

  • ખેડૂત આંદોલનકારીઓના કબજામાંથી હાઈવે ખુલ્લા કરાવવાનું શરૂ : યુપી પોલીસે પ્રથમ હાઈવે ખોલાવી નાખ્યો : ૪૦ દિવસથી બ્લોક કરવામાં આવેલ દિલ્હી-સહરાનપુર હાઈવે આજે ઉત્તર પ્રદેશ પોલીસે કિલયર કરાવી નાખ્યાનું જાણવા મળે છેઃ આમ ખેડૂત આંદોલનકારીઓ ઉપર આકરા પગલાં ભરવાનું શરૂ થઈ ગયું છે અને શુ પ્રથમ આજે ઉત્તર પ્રદેશની યોગી પોલીસે રોડ કિલયર કરાવ્યો હોવાના અહેવાલો મળી રહ્યા છે access_time 11:26 am IST

  • યુપીમાં શશી થરૂર, રાજદીપ સરદેસાઈ, મ્રીનલ પાંડે અને કેરેવાન મેગેઝિનના સંપાદકો વિરુદ્ધ ખોટા સમાચાર ફેલાવવા અને કોમી હિંસા ભડકાવવા બદલ એફઆઈઆર નોંધાઈ access_time 10:03 pm IST