Gujarati News

Gujarati News

News of Friday, 27th November 2020

પાટડીમાં ૧૬ ઘેટા બકરા અને છરી સાથે પોલીસે ત્રણ શખ્શોને ઝડપી લીધા

વઢવાણ,તા.૨૭ : ઝીંઝુવાડા પોલિસે બાતમીના આધારે પાટડી તાલુકાના રોઝવા ગામની રૂપેણ નદી પાસેથી ઇકો ગાડીમાં ગેરકાયદેસર રીતે લઇ જવાતા ૧૬ ઘેટાં-બકરા સાથે દસાડાના ૩ શખ્સોને ઝબ્બે કર્યા હતા. પોલિસે ગાડી, છરી અને ૧૬ અબોલ જીવો સાથે ત્રણેય શખ્સોની અટક કરી ધોરણસરની કાર્યવાહી હાથ ધરી છે.

પાટડી તાલુકાના રોઝવા ગામના પાદરમાંથી નીકળતી રૂપેણ નદી પાસેથી અબોલ જીવોને ઇકો ગાડીમાં ક્રૂર રીતે લઇ જવાતી હોવાની બાતમીના આધારે ઝીંઝુવાડા પીએસઆઇ પી.વી.ધનેશા, માનસંગભાઇ ગઢવી અને આર.ડી.ભરવાડ સહિતની પોલિસ ટીમેં રાત્રીના અંધારામાં છટકું ગોઠવી રૂપેણ નદી પાસે અચાનક દરોડો પાડ્યો હતો.

ઝીંઝુવાડા પોલિસે આ દરોડામાં મેહુલ રામજીભાઇ મકવાણા ( ૩૦ વર્ષ, રહે- દસાડા ), ઉંમર પોપટભાઇ મીર ( ૨૫ વર્ષ, રહે-દસાડા ) અને મશરૂ કરશનભાઇ મીર ( ૨૪ વર્ષ, રહે-દસાડા )ને ઇકો ગાડીમાં ક્રૂર રીતે લઇ જવાતા ૧૬ અબોલ જીવ દ્યેટાં-બકરા કિંમત રૂ. ૪૩૦૦૦, ઇકો ગાડી કિંમત રૂ. ૨ લાખ અને એક ધારદાર છરી કિંમત રૂ. ૫૦ મળી કુલ રૂ.૨૪૩૦૫૦ના મુદામાલ સાથે ઝબ્બે કરી આરોપીઓને હાઇકોર્ટની ગાઇડલાઇન મુજબ કોરોન્ટાઇન કરી અબોલ જીવોને છોડાવી માંડલ પાંજરાપોળમાં મોકલી આપવામાં આવ્યા હતા. આ કેસની વધુ તપાસ ઝીંઝુવાડા પોલિસ મથકના મહાદેવભાઇ વણોલ ચલાવી રહ્યાં છે.

(11:52 am IST)
  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • સુરેન્દ્રનગર: ગેબનશાપીર સર્કલ પાસેથી 21 લાખથી વધુની કિંમતનો વિદેશી દારૂનો જથ્થો ઝડપાયો. access_time 1:14 am IST