Gujarati News

Gujarati News

News of Friday, 27th November 2020

જુનાગઢનાં વડાલની સીમમાં ખેતરમાં ધમધમતું હાજર વરલીનો જુગારધામ

ખેતર માલિક ફરાર, ૮ શખ્સો રૂ. ૧.ર૯ લાખનાં મુદામાલ સાથે ઝબ્બે

(વિનુ જોશી દ્વારા) જુનાગઢ તા. ર૭: વડાલની સીમમાં ખેતરમાં ધમધમતા હાજર વરલીનાં જુગાર ધામનો પોલીસે પર્દાફાશ કરી આઠ શખ્સોએ રૂ. ૧.ર૯ લાખનાં મુદામાલ સાથે ઝડપી લીધા હતા.

જુનાગઢ તાલુકાનાં વડાલનો પિયુષ શૈલેષ દોંગા તેની ગામની સીમમાં કાથરોટા ગામનાં રસ્તે આવેલ તુવેરના વાવેતરવાળા ખુલ્લા ખેતરમાં રાજેશ ઉર્ફે રાજુ રાણાભાઇ વઘેરા (વડાલ) સાથે મળીને હાજર વરલીનો જુગાર અડ્ડો શરૂ કર્યો હોવાની બાતમી મળતાં મોડી સાંજે એબસ્કોન્ડર સ્કવોડનાં હરદાસભાઇ ઓડેદરા વગેરેએ દરોડો પાડયો હતો.

આ કાર્યવાહીમાં ખેતરનો માલિક પિયુષ દોંગા નાસી ગયો હતો. જો કે પોલીસે તેનો પાર્ટનર રાજેશ ઉર્ફે રાજુ વધેરાને પકડી પાડયો હતો.

તેમજ પોલીસે વડાલનો સાગર ઉર્ફે ભુરો અરવિંદ તન્ના, ભીખા મંગાભાઇ વધેરા, જેતપુરનો ભાવિન શિવદાન બારોટ, હેમલ કુમુદરાય જયસ્વાલ, જેતપુરનાં અકાળા ગામનો રાજેશ સવજી સરવૈયા, જુનાગઢનાં શેખવા ગામનો મથુર બચુભાઇ વોરા અને વડાલનો વજુભાઇ પરમારની જુગાર રમવા સબબ ધરપકડ કરી હતી.

એબસ્કોન્ડર સ્કવોડે જુગારીઓ પાસેથી રૂ. ૪ર,૬૦૦ ની રોકડ, ૯ મોબાઇલ ફોન, એક મોટર સાયકલ વગેરે મળી કુલ રૂ. ૧,ર૯,૬૦૦નો મુદામાલ કબ્જે કરીને તમામ સાથે ધોરણસરની કાર્યવાહી કરી હતી.

(11:46 am IST)
  • પશ્ચિમ બંગાળમાં આવી રહેલી વિધાનસભા ચૂંટણીઓ પહેલા મમતા બેનરજીની મહત્વની ઘોષણાં : રાજ્યના તમામ 10 કરોડ નાગરિકોને રૂપિયા 5 લાખ સુધીની કેશલેશ સુવિધા અપાશે : ભાજપના ' વિકાસ ' પ્રચાર સામે મમતાનું ' વિકાસ કાર્ડ ' access_time 1:15 pm IST

  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST