Gujarati News

Gujarati News

News of Friday, 27th November 2020

ટંકારાના મીતાણા ગામે એલ.ડી.ઓ ડીઝલ ચોરી કરનાર ચાર ઝડપાયા

મોરબી,તા. ૨૭: ટંકારા તાલુકાના મીતાણા ગામ નજીક ડીઝલના ટેન્કરમાંથી ચોરી કરવામાં આવતી હોવાની બાતમીના આધારે ટંકારા પોલીસે દરોડો પાડીને ત્યાંથી ડીઝલ ચોરી કરનાર ચાર શખ્સોને ઝડપી પાડી ૪૮.૪૬ લાખનો મુદામાલ કબજે કર્યો છે.

મળતી માહિતી મુજબ મોરબી જીલ્લા પોલીસ વડા એસ આર ઓડેદરા તથા ડીવાયએસપી રાધિકા ભારાઈના માર્ગદર્શન હેઠળ ટંકારા પોલીસની ટીમ પી.એન.ગોહિલ, પ્રફુલકુમાર પરમાર,જીતેન્દ્રભાઈ ધેલાભાઈ અને રમેશભાઈ ચતુરભાઈ સહિતની ટીમે મળેલ બાતમીના આધારે  મીતાણા ગામે મોમાઈ હોટલની પાછળ બાળવની જાડીમાં ખરાબાની જગ્યામાં આરોપી રમેશભાઈ દલીચંદભાઈ રહે-રાજકોટ મોરબી જકાતનાકા સતનામ પાર્ક મૂળ ગામ-હીરપર(ભૂ) તા. ટંકારા વાળાએ પોતાની માલિકીના ટેન્કરમાં એસ્સાર કંપની જામનગર ખાતેથી ભરેલ એલ.ડી.ઓ. જે રાજસ્થાન પહોચાડવાનું હોય જે પોતાના બંને ડ્રાઈવરો હુશેન ઓસમાણ નાયાણી વાધેર રહે-વાડીનાર ઈદમસ્જીદની બાજુમાં તા.ખંભાળિયા તથા ઈસ્માઈલ હુશેનભાઈ સંગાર રહે-વાડીનાર ગોવાડપડું તા.ખંભાળિયા વાળાઓને તેના પાર્ટનર આરોપી જયદીપ કિશોરભાઈ વ્યાસ રહે-પ્રભુનગર ગામ તા.ટંકારા વાળાને સાથે રાખી અને ટેન્કરો મીતાણા લાવી તેમાંથી એલ.ડી.ઓ ના મૂળ માલિક (રાજસ્થાન રાજય વિદ્યુત ઉત્પાદન નિગમ લીમીટેડ)ની પરવાનગી વગર એલ.ડી.ઓ. પ્રવાહી કાઢી અને એલ.ડી.ઓની ચોરી કરી અન્ય વ્યકિતઓની જિંદગી જોખમમાં મુકાય તે રીતે જવલનશીલ પદાર્થ કોઈ ફાયર સેફ્ટીના સાધનોની વ્યવસ્થા વિના રાખી મળી આતવા પોલીસે ચારેય આરોપી સાથે કુલ મુદામાલ ૪૮,૪૬,૯૪૬ રૂપિયાની કબજે કરી ધોરણસરની કાર્યવાહી હાથ ધરી છે.

(11:33 am IST)
  • જામનગર જિલ્લાના લાલપુરમાં 2 જૂથ વચ્ચે અથડામણ: 3 લોકો ઘાયલ: મહિલાની છેડતી બાબતે અથડામણ થયાનું પ્રાથમિક તારણ: પોલીસ કાફલો ઘટનાસ્થળે પહોંચ્યો : ચાંપતો બંદોબસ્ત ગોઠવાયો access_time 11:48 pm IST

  • સરકાર આખરે ઝુકી : દિલ્હીમાં ખેડૂતોને દેખાવો કરવા મંજૂરીઃ ચુસ્ત પોલીસ બંદોબસ્ત રહેશે access_time 3:53 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST