Gujarati News

Gujarati News

News of Monday, 27th July 2020

મોટી પાનેલીમાં શનિ રવિ બે દીમાં ત્રણ ઇંચ વરસાદ પડતા સીઝનનો ૪૭ ઇંચ પડી ગયો

મોટી પાનેલી,તા.૨૭: ઉપલેટા તાલુકાના મોટી પાનેલીમાં આ વર્ષે મેઘરાજા વધુ પડતા મહેરબાન હોય એવુ લાગે છે હજુ તો ચોમાસાની શરૂઆત છે ત્યાં છેલ્લા સત્ત્।ર દિવસમાં જ સીઝનનો કુલ સુડતાલીસ ઇંચ વરસાદ પાડી ગયો છે શનિવાર અને રવિવાર બે દિવસમાં ત્રણ ઇંચ જેટલો વરસાદ પડતા ખેડૂતોને ભારે નુકશાની સહન કરવાનો વારો આવી શકે છે સતત બાર દિવસ વરસાદ વરસ્યા પછી માંડ ઉઘાડ નીકળ્યો હતો ત્યાંજ ફરી પાછો મેઘો મંડાતા ખેડૂત બિચારો બની ગયો છે કહે તો કેને કહે જેવી પરિસ્થિતિ આ વિસ્તારના ખેડૂતની થઇ છે લમણે હાથ દઈને વરસતા વરસાદમાં પોતાની બરબાદીને નીરખી રહ્યો છે કપાસનો પાક તો સાવ નિષ્ફ્ળ જવાના ખરાબ પર છેજ ત્યાં ફરી પાછો મેઘો મંડાતા મગફળી અને એરંડાના પાકને પણ નુકશાની આવશે તેવી ચિંતામાં જગતનો તાત અંદરને અંદર મરી રહ્યો છે છેલ્લા બે વર્ષ નબળા ગયા છે આ વર્ષે સારો વરસાદ પડ્યો છે પણ સતત પડતા વરસાદને લીધે મોલમાં લીલો દુકાળ જેવી પરિસ્થિતી ઉભી થવા પામી છે.

(11:43 am IST)
  • દેશના દક્ષિણ રાજ્યોમાં કોરોનાનો વિસ્ફોટ : તામિલનાડુ, આંધ્રપ્રદેશ, અને કર્ણાટકમાં સતત વધતા કેસ, : તામિલનાડુમાં નવા 6993 કેસ સાથે કુલ કેસની સંખ્યા 2,20,716 થઇ : આંધ્રપ્રદેશમાં નવા 6051 કેસ અને કર્ણાટકમાં 5324 કેસ સાથે બંને રાજ્યોમાં કેસની સંખ્યા એક લાખને પાર પહોંચી : તેલંગાણામાં વધુ 1473 કેસ ; કેરળમાં પણ નવા 702 કેસ નોંધાયા access_time 9:10 pm IST

  • મધ્યપ્રદેશના ચંદ્રનગર - પન્ના રોડ પાસે ભયંકર અકસ્માત : ૮ના મોત : ૩ મોટર સાયકલ અને કાર વચ્ચે ગમખ્વાર અકસ્માત access_time 5:31 pm IST

  • દિલ્હીમાં કોરોના સંક્રમિતોની સંખ્યામાં ઘટાડો : કેજરીવાલ સરકારનો હવે આર્થિક એક્શન પ્લાન : છેલ્લા 4 માસથી બંધ હોટલો આવતા સપ્તાહથી ખુલ્લી મુકાય તેવી શક્યતા : હોટેલ રેસ્ટોરન્ટ એશોશિએશન સહીત જુદા જુદા ધંધાર્થી સંગઠનો સાથે વિચાર વિનિમય ચાલુ access_time 1:34 pm IST