Gujarati News

Gujarati News

News of Monday, 27th July 2020

એક તરફ અલ્લાહની બંદગી બીજી તરફ મહાદેવ હર...!!

ખંભાળીયાના ૧૦૦% મુસ્લીમ વસતીવાળા કોરા ગામમાં હિન્દુઓના આરાધ્ય દેવ કોટેશ્વર મહાદેવ

ખંભાળીયા તા. ર૭ :.. દેવભૂમિ દ્વારકા જિલ્લામાં ખંભાળીયા તાલુકાના કોટા ગામે નદીના કાંઠે ૧૦૦ ટકા મુસ્લીમ વસતીવાળા આ ગામમાં અત્યંત પ્રાચીન શ્રી કોટેશ્વર મહાદેવનું ભવ્ય શિવ મંદિર આવેલું છે.

ચેક ડેમ ઝરણા, જંગલ જેવા કુદરતી વાતાવરણમાં આવેલા આ શિવ મંદિરની મરામત માટે સ્થાનિક મુસ્લીમ આગેવાનો ગુલમામદ મુસાભાઇ તથા સરપંચ વિ.એ મદદરૂપ થઇને હિન્દુ ભકતો સાથે મળીને આ મંદિરનો જીણોધ્ધાર કર્યો હતો તથા મંદિરમાં ભકતો દ્વારા શ્રાવણ માસમાં પૂજા થાય છે તથા દર્શન માટે ભાવિકો ઉમટે છે.

સવારે એક તરફ મુસ્લીમ બિરાદરો અલ્લાહની બંદગી નમાજ માટે અલ્લાહ ઓ અકબર પોકારતા હોય અને બીજી તરફ આ પ્રાચીન શિવ મંદિરમાં હર હર મહાદેવના નારા સાથે ભકતો પુજા કરતા હોય છે.

ખંભાળીયાના પૂર્વ પાલિકા પ્રમુખ શૈલેષભાઇ કણઝારીયા, પૂર્વ બ્રહ્મ સમાજ પ્રમુખ કાંતિભાઇ મૌખૈયા, ઇશ્વરભાઇ સોલંકી, નીતિન ગણાત્રા, કમલેશ જોશી વિ. નિયમિત પૂજા પાઠ માટે જનારા વ્યકિતઓ છે. મંદિરના  પુજારી તથા ભકતો દ્વારા રોજ નૂતન પુજા દર્શન પણ થાય છે.

(11:42 am IST)
  • કોરોનાથી ભારે અસર ગ્રસ્ત રાજયોના મુખ્યમંત્રીઓ : ઉધ્ધવ ઠાકરે (મહારાષ્ટ્ર), મમતા બેનર્જી (પં.બંગાળ) અને યોગી આદિત્યનાથ (ઉ.પ્ર.) સાથે આજે નરેન્દ્રભાઇની વિડીયો કોન્ફરન્સ access_time 12:55 pm IST

  • સપ્ટેમ્બરમાં ગુજરાતની ૮ બેઠકો માટે યોજાઈ શકે છે પેટાચૂંટણી : ઉમેદવારોના નામ નક્કી કરવા ભાજપની ઉચ્ચ સ્તરીય બેઠક : કોંગ્રેસમાંથી આવેલા પૂર્વ ધારાસભ્યને મળી શકે છે ભાજપની ટીકીટ access_time 5:34 pm IST

  • દેશમાં કોરોનાનો કહેર : છેલ્લા 24 કલાકમાં નવા 46,484 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,82,503 કેસ થયા :4.95,443 એક્ટિવ કેસ :કુલ 9,53,189 દર્દીઓ રિકવર :વધુ 636 લોકોના મોત :મૃત્યુઆંક 33,448 થયો : મહારાષ્ટ્રમાં સૌથી વધુ 7924 કેસ : તામિલનાડુમાં નવા 6993 કેસ :દિલ્હીમાં 613 કેસ : આંધ્રપ્રદેશમાં નવા 6051 કેસ: કર્ણાટકમાં નવા 5324 કેસ :ઉત્તર પ્રદેશમાં 3505 કેસ અને પશ્ચિમ બંગાળમાં વધુ 2112 કેસ :બિહારમાં 2192 નવા કેસ, તેલંગાણામાં 1473 કેસ,રાજસ્થાનમાં 1134 કેસ અને આસામમાં 1348 નવા કેસ અને ઓરિસ્સામાં 1503 કેસ નોંધાયા access_time 1:09 am IST