Gujarati News

જૂનાગઢ, તા. ૨૭ :. બીલખાના ઉમરાળામાં બરડીયાના આધેડની થયેલી હત્યામાં પોલીસે મોણીયા ગામના ભૂપત કોળીની શોધખોળ હાથ ધરી છે.

વિસાવદર તાલુકાના બરડીયા ગામના બિપીનભાઈ કાળુભાઈ રાઠોડે વિસાવદરના જ ભૂપત ભીખા કોળી સાથે બીલખા નજીકના ઉમરાળા ગામની સીમમાં ખેતરની વાડ કાપવાનું કામ રાખેલ.

બન્ને વચ્ચે વાડ કાપતા - કાપતા અવારનવાર બોલાચાલી થતી, ગઈકાલે બપોરે બિપીન અને ભૂપત બાખડી પડયા હતા. જેમાં ભૂપતે કુહાડાનો ઘા ઝીંકી બિપીનભાઈની હત્યા કરી નાખી હતી. ખૂની ખેલ ખેલીને આ શખ્સ નાસી ગયો હતો.

આ અંગે મૃતકના પિતા કાળુભાઈ બીજલભાઈ રાઠોડની ફરીયાદ લઈ પોલીસે ધોરણસરની કાર્યવાહી કરી હતી.

બીલખાના પી.એસ.આઈ. વી.યુ. સોલંકીએ આધેડની હત્યા કરી ફરાર થયેલ ભૂપત કોળીની શોધખોળ આદરી છે