Gujarati News

Gujarati News

News of Monday, 27th May 2019

જામસલાયાના માછીમારે પોરબંદરના દરિયામાં પાકિસ્તાનીઓ વિરુદ્ઘ ૨ લાખની લુંટની ફરિયાદ

૫ મહિના જુના બનાવની ફરિયાદ અત્યારે ડ્રગ્સ પકડાયું ત્યારે કેમ થઈ? પોલીસ ઉપરાંત એજન્સીઓએ પણ એલર્ટ

ભુજ, તા.૨૭: પાંચ મહિના પૂર્વે પોરબંદર-જખૌ વચ્ચેના દરિયામાં બનેલા લૂંટના બનાવની હમણાં થયેલી ફરિયાદે પોલીસ સહિતની એજન્સીઓમાં ચર્ચા જગાવી છે.

મૂળ જામનગરના જામસલાયાના અને જખૌમાં માછીમારી કરતા હનીફ જુસબ સંઘારે નારાયણસરોવર પોલીસ સ્ટેશનમાં નોંધાવેલી ફરિયાદ અનુસાર ગત ૨૬/૧૨/૧૮ ના તેમના ભાઈ સીદીક જુણસ સંદ્યારની માલિકીની બોટ જીજે ૧૨ એમઓ ૦૦૪૯ ગોરીશા સુલતાનમાં બોટના ટંડેલ અસલમ અનવર સંદ્યાર અને અન્ય માછીમારો આંતરરાષ્ટ્રીય જળસીમાં પાસે માછીમારી કરી રહ્યા હતા.

 ત્યારે પાકિસ્તાન તરફથી સ્પીડ બોટમાં આવેલા ૨ થી ૪ શખસોએ હવામાં ફાયરિંગ કરીને બંદૂકની અણીએ ૪૦૦ કિલો માછલીનો જથ્થો, ૩ મોબાઈલ, જીપીએસ, વાયરલેસ સહિત ૨ લાખના મુદામાલની લૂંટ ચલાવીને ફરાર થઈ ગયા હતા. આ ફરિયાદ કચ્છની નારાયણસરોવર પોલીસે નોંધીને વધુ તપાસ માટે પોરબંદરના નવી બંદર પોલીસ સ્ટેશનને મોકલી આપી છે. અત્યારે ડ્રગ્સ પ્રકરણ ચર્ચામાં છે તે સમયે આંતરરાષ્ટ્રીય જળસીમાં (આઈએમબી) પાસે થયેલી પાંચ મહિના જૂની લૂંટની ફરિયાદને ભારતીય સુરક્ષા એજન્સીઓ ગંભીરતાથી જોઈ રહી છે.

(12:05 pm IST)
  • સુરતમાં કોંગ્રેસના નેતા હાર્દિક પટેલ કરશે ધરણા પ્રદર્શન : સરથાણા જકાતનાકા વિસ્તારમાં હાર્દિકની થઈ અટકાયત : તેની ગાડી પોલીસ દ્વારા ઘેરવામાં આવી access_time 1:16 pm IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST

  • અભિનેતા કરણ ઓબેરોય પર દુષ્કર્મનો આરોપ લગાવનાર મહિલા પર તીક્ષ્ણ હથિયારથી હુમલો ;પીડિત મહિલા પોલીસમાં નોંધાવી ફરિયાદ :મુંબઈ પોલીસે કહ્યું જો જરૂર જણાયે પીડિતાને સુરક્ષા ઉપલબ્ધ કરાવાશે access_time 1:23 am IST