Gujarati News

Gujarati News

News of Monday, 27th May 2019

સસ્તા ભાવે સોનુ આપવાની લાલચે માંડવીના રામપર વેકરા ગામના પટેલ વૃદ્ઘ સાથે ૧૮ લાખની ઠગાઈ

ભુજ, તા.૨૭: માંડવીના ગઢશીશા પોલીસ સ્ટેશનમાં રામપર વેકરા ગામના પટેલ વૃદ્ઘ દ્વારા ૧૮ લાખની ઠગાઈની નોંધાવાયેલી ફરિયાદે પટેલ ચોવીસીમાં ચકચાર સર્જી છે.

ફરિયાદી ખીમજી ધનજી ભંડેરીએ પોતાની સાથે ગત ૨૨ જૂન ૨૦૧૮ દરમ્યાન કલ્યાણપર ગામના કાસમ સાલેમામદ ફકીર, રમજાન હાજીમામદ ફકીર અને ૨ અજાણ્યા શખ્સો વિરુદ્ઘ પોતાની ગળાની બીમારી દૂર કરવા માટે તાંત્રિક વિધિ કરવાની વાત કરી તે સમયે એક માટલામાં સોનુ બતાવીને સસ્તા ભાવે માત્ર અઢી લાખ રૂપિયામાં સોનુ આપવાની લાલચ બતાવી હતી. પોતે લાલચમાં આવીને આ શખ્સોને પહેલા અઢી લાખ પછી સાડા ત્રણ લાખ એમ કરીને ૧૮.૬૦ લાખ રૂપિયા ચૂકવી દીધા હતા. પણ, સોનુ અપાયું નહિ આમ પોતે ઠગાઈ ગયા હોવાનો ખ્યાલ આવતા મોડે મોડે પટેલ વૃદ્ઘ દ્વારા ઠગાઈની ફરિયાદ લખાવાઈ છે, ગઢશીશા પોલીસે વધુ તપાસ હાથ ધરી છે.

(12:01 pm IST)
  • યુપીમાં કોંગ્રેસના ૬૭ માંથી ૬૩ ઉમેદવારોએ ડિપોઝીટ ગુમાવી ઉત્તર પ્રદેશ લોકસભામાં કૉંગ્રેસે લડાવેલ ૬૭ ઉમેદવારમાંથી ૬૩ ઉમેદવારે ડિપોઝિટ ગુમાવી છે. કુલ પડેલ મતના ૧૬.૬૭ ટકા કરતા ઓછા મત મેળવનાર ઉમેદવાર ડિપોઝિટ ગુમાવે તેવી જોગવાઈ છે. access_time 9:51 pm IST

  • ત્રિપુરામાં ભારે વરસાદથી હજારો લોકો બેઘર : એક હજારથી વધુ મકાનોને નુકશાન :એનડીઆરએફની ટીમ રાહત બચાવકાર્યમાં લાગી : 739 લોકોને રાહત શિબિરોમાં શરણ: 358 લોકો ઉંનકોટી જિલ્લાના અને ઉતરી ત્રિપુરાના 381 લોકોએ શિબિરમાં આશરો લીધો access_time 1:19 am IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST