Gujarati News

Gujarati News

News of Wednesday, 27th March 2019

સાયલામાં પાક વિમા પ્રશ્ને ખેડુતો દ્વારા રેલી-આવેદન

વઢવાણ તા ૨૭ :  સુરન્દ્રનગર જિલ્લામાં પાક વિમાનો પ્રશ્ન ન ઉકેલાતા ખેડુતો રોષે ભરાયા છે. સાયલાના મેળાના મેદાનમાં ખેડુતોની બેઠક મળી હતી, આ બેઠકમાં તાલુકાભરમાંથી ઉમટેલા ખેડુતોએ છેલ્લા બે વર્ષથી વરસાદની ખેંચ, પાક નિષ્ફળ જવો, કુવા, બોરના પાણી તળ ઉંડા જવાથી શિયાળુ પાક ન લઇ શકાય તેવી સ્થિતી ખેડુતોને વિમાનું વળતર, સાયલા તાલુકાને અતિ અછતગ્રસ્ત વિસ્તાર જાહેર કરવા છતા ખેડુતોને કોઇ લાભ મળતો ન હોવાથી ખેડુતો મંડળીના  ધીરાણ, બેંક ધીરાણ પણ  ભરી શકે તેવી સ્થીતીમાં નથી. પાક વીમા જમીન માપણી અને સરકારની નીતીરીતી સહીત ખેડુતોને લગતા પ્રશ્નની ે ચર્ચા કરાઇ હતી.

ત્યારબાદ ખેડુત આગેવાન રૈયાભાઇ રાઠોડ, હરજીભાઇ પટેલ, પિન્ટુભાઇ જાડેજા, ડોડીયા રતનસિહ, પાલભાઇ આંબલીયા, ત્રિકમભાઇ પટેલ, કરશનભાઇ ભગત સહિતના આગેવાનોએ રેલી યોજી સાયલા મામલતદાર  જી.એમ.મહાવદીયાને આવેદન આપ્યું હતું,  જેમાં જણાવ્યું  હતું  કે , આગામી દિવસોમાં ખેડુતોના પ્રશ્નોનો સરકાર ઉકેલ નહીં લાવે તો તાલુકાના ખેડુતોએ ના છુટકે આંદોલન કરવાની ચીમકી પણ રજુઆતના અંતે ઉચ્ચારી હતી.

(12:01 pm IST)
  • ગરીબોને ૭૨ હજાર ઉપરાંત રાહુલના પટારામાંથી બીજી ઘણી સ્કીમો આવી રહી છે : કોંગ્રેસના દિગ્ગજ સલમાન ખુરશીદની જાહેરાત : નવી દિલ્હી : કોંગ્રેસના દિગ્ગજ નેતા અને પૂર્વ કેન્દ્રીય મંત્રી શ્રી સલમાન ખુરશીદે કહ્યું છે કે દેશના કરોડો ગરીબો માટે વર્ષે ૭૨ હજાર ભથ્થુ આપવાની રાહુલ ગાંધીએ જાહેર કરેલ યોજના ઉપરાંત ગરીબોને ગરીબી રેખાથી બહાર લાવવા હજુ બીજુ ઘણુ બધુ બાકી છે : આમ કોંગ્રેસ તેના ઢંઢેરામાં દેશના ગરીબો - આર્થિક પછાતો - યુવાનો - ખેડૂતો માટે અનેક યોજનાઓ લાવી રહ્યાના નિર્દેશો આપ્યા હતા access_time 3:37 pm IST

  • રાહુલ ગાંધીની 'મીનીમમ ઈન્કમ સ્કીમ' ઉપર માયાવતીના પ્રહાર : જૂઠાણું છે !: નવી દિલ્હી : બસપા સુપ્રિમો માયાવતીએ કોંગ્રેસ પ્રમુખ રાહુલ ગાંધીની 'મીનીમમ ઈન્કમ સ્કીમ'ને સંપૂર્ણ જુઠાણું ગણાવેલ છેઃ ઉ.પ્ર.માં સપા - બસપા સાથે કોંગ્રેસે ગઠબંધન ફગાવી દેતા બહેન માયાવતી ભારે નારાજ છે : તેમણે કોંગ્રેસ ઉપર હવે ખુલ્લેઆમ પ્રહારો શરૂ કર્યા છે : તેમણે કહ્યું કે ગરીબોનો વિશ્વાસ કરવામાં, મજાક ઉડાવવામાં ભાજપ અને કોંગ્રેસ બંને એક જ ડાળીના બે ફુલ છે access_time 3:37 pm IST

  • રાજકોટમાં ૩૯.૩ ડિગ્રી : કાલે અને શુક્રવારે પારો ૪૨ ડિગ્રીની નજીક પહોંચી જશે : શહેરમાં તાપ સાથે ૧૪ કિ.મી.ની ઝડપે પવન ફૂંકાઈ રહ્યા છે : કાલે ગુરૂવારે અને શુક્રવારે ગરમીનો પારો ૪૨ ડિગ્રીએ પહોંચી જવાની પૂરી સંભાવના : ગરમીનો દોર જારી રહેશે access_time 3:45 pm IST