Gujarati News

Gujarati News

News of Wednesday, 27th March 2019

સુરેન્દ્રનગર જીલ્લામાં માલધારીઓ મુસીબતમાં : પશુઓ સાથે ઘાસચારાની શોધમાં દોડધામ

વઢવાણ તા.૨૭ : ગુજરાતભરમાં દુષ્કાળના ડેરા તંબુ તણાયા છે. ત્યારે ગુજરાતમાં સૌરાષ્ટ્રમાં જગતનો તાત પાયમાલ બન્યો છે ત્યારે ગુજરાત સૌરાષ્ટ્રમાં ચોમાસુ નિષ્ફળ જવાના કારણે પોતાની આજીવિકા પરિવારનું ભરણપોષણ જેના ઉપર આધારીત છે જે ઢોર ઢાંખરને ચારા પાણીની ગંભીર સમસ્યા સર્જાવાના કારણે કચ્છના અનેક સંધી પરિવારજનોએ વતનની વાટ મેલી અને જયાં ચારા પાણી જડે તેવા ગામમાં પડાવો નાખી નાખી એના મહામૂલા પશુધનને બચાવવા માટે હવાતીયા મારી રહ્યા છે.

ત્યારે હાલમાં સંધી સમાજના યુવા પ્રમુખ મયુરભાઇ સંધી દ્વારા જણાવાઇ રહ્યુ છે કે કચ્છના માલધારીઓ છેલ્લા ચાર ચાર માસથી પોતાના વતન કચ્છની વાત મેલી દીધી છે અને ધ્રાંગધ્રા, માલયણ, ટિકર, લીંમડા તાલુકો,  બગોદરા, સાણંદ સહિતના ગામોમાં ૧૫૦ જેટલા પરિવારજનો પોતપોતાના પરિવાર સાથે ચારા પાણીની શોધમાં નીકળી પડયા છે. ત્યારે ઉનાળાની શરૂઆત આકરી થવાના એંધાણ વર્તાઇ રહ્યા છે અને હાલમાં પશુધન અને હિજરત કરીને નીકળેલા કચ્છી માલધારીઓને ખાવા પીવાના પાણી પશુધન માટે ચારા પાણી વગેરે ગંભીર સમસ્યા સર્જાવા પામેલ છે ત્યારે વન વગડામાં ઝુપડા બાંધી અને પોતાના પશુધનને જોઇને માલધારીઓ નિશાસા નાખી રહ્યા છે.ચાર માસ તો નિકળી ગયા ઉનાળાનો સમય પસાર કરવો કપરો છે ત્યારે સરકાર તાત્કાલીક અસરે માલધારી પરિવારજનોની વ્હારે આવી ઢોરવાડા અને માલીકો માટે રહેવા જમવા માટેની વ્યવસ્થા કરવામાં આવે તેવી હાલમાં હિજરતી પશુપાલકોની માંગ ઉઠવા પામેલ છે.

(11:59 am IST)
  • રવિવારે સરકારી લેતીદેતી કરતી બેન્કની તમામ શાખાઓ ખુલી રહેશે :આરબીઆઇએ કર્યો આદેશ : રિઝર્વ બેંકે સર્ક્યુલર જાહેર કર્યું :સરકારી પ્રાપ્તિ અને ચુકાવણી માટે 31 માર્ચે તેના તમામ પે એન્ડ એકાઉન્ટ કાર્યાલય ખુલ્લા રહેશે access_time 1:13 am IST

  • રેલ્વે ટિકીટો ઉપર મોદીનો ફોટો શા માટે? રેલ્વેને ચૂંટણીપંચનું પૂછાણ : દૂર કેમ ન કર્યા?: ચૂંટણીપંચે રેલ્વેને પૂછ્યુ છે કે વડાપ્રધાન નરેન્દ્રભાઈ મોદીની તસ્વીર શા માટે રેલ્વે ટિકીટો ઉપર છાપવામાં આવી છે : ચૂંટણીપંચે રેલ્વે મંત્રાલયને અને ઉડ્ડયન મંત્રાલયને પત્ર પાઠવી પૂછ્યુ છે કે શા માટે રેલ્વે ટિકીટો અને બોર્ડીંગ પાસ ઉપરથી વડાપ્રધાનની તસ્વીરો દૂર કરવામાં નથી આવી? આ પહેલા એર ઈન્ડિયાને ચૂંટણીપંચે નોટીસો આપી વિમાનના બોર્ડીંગ પાસ ઉપરથી નરેન્દ્રભાઈ મોદી અને વિજયભાઈ રૂપાણીની તસ્વીરો હટાવી લેવા આદેશ આપ્યા હતા access_time 11:33 am IST

  • દિલ્હીમાં 'આપ'પક્ષ સાથે જોડાણ માટે નવી ફોર્મ્યુલા તૈયારઃ દિલ્હીની લોકસભાની ૭ બેઠક માટે આપ-કોંગ્રેસ વચ્ચે મડાગાંઠ સર્જાઇ છે. કેજરીવાલનો આપ પક્ષ કોંગ્રેસને ૨ બેઠક અને પોતે ૫ બેઠક લડવાની ફોર્મ્યુલા પર મકકમ છે ત્યારે કોંગ્રેસ નવી ફોર્મ્યુલા ઉપર વિચારણા કરી રહી છે. દિલ્હીના પૂર્વ મુ.મંત્રી શીલા દિક્ષિતે આ અંગે મૌન ધારણ કર્યું છે. હવે રાહુલ ગાંધી ઉપર બધુ છોડી દેવાયું છે. access_time 11:34 am IST