Gujarati News

Gujarati News

News of Saturday, 27th February 2021

ભાવનગરના કોલેજીયન યુવાનની હત્યા

સોશ્યલ મીડિયામાં વિડીયો વાયરલ કરવાના મામલે બે શખ્સોએ મરણતોલ માર માર્યો

(મેઘના વિપુલ હિરાણી દ્વારા) ભાવનગર તા. ૨૭ : ભાવનગરમાં કોલેજીયન યુવાનની હત્યા થઇ છે. સોશિયલ મીડિયામાં વીડિયો વાયરલ કરવાના મામલે બે શખ્સોએ મરણતોલ માર માર્યાની પોલીસ ફરીયાદ નોંધાઇ છે.

પ્રાપ્ત વિગતો મુજબ ભાવનગરની કોલેજમાં અભ્યાસ કરતા મહુવા તાલુકાના કાટીકડા ગામના વિદ્યાર્થી પ્રવિણ ગભાભાઇ ધાપા (ઉ.૨૨) તેના ગામની સીમમાં વાડીએ હતા ત્યારે બે શખ્સો તેને ઉઠાવી જઇ પાઇપ વડે માર મારી ગંભીર ઇજા પહોંચાડતા તાત્કાલિક ભાવનગરની સર ટી હોસ્પિટલ ખસેડાયેલ જ્યાં તેનું સારવાર દરમિયાન મોત નિપજતાં બનાવ હત્યામાં પરીણમ્યો હતો.

આ બનાવ અંગે મૃતક યુવાનના દાદાના દિકરા મયુરભાઇ ધાપાના જણાવ્યા મુજબ મૃતક પ્રવિણએ થોડા દિવસ પહેલા સોશ્યલ મીડિયામાં વીડિયો વાયરલ કર્યો હતો. જેની દાઝ રાખી આ ગામના મહિપત અને મેરામ નામના શખ્સોએ પ્રવિણને વાડીએથી પોતાની વાડીએ લઇ જઇ પાઇપના ઘા ફટકાર્યા હતા. આ બનાવ અંગે દાઠા પોલીસે હત્યાનો ગુન્હો નોંધી આરોપીઓને ઝડપી લેવા તજવીજ હાથ ધરી છે.

(11:23 am IST)
  • બે દાયકા પહેલા રાજનાથસિંહે બાળક લીધો હતો દત્તક : તેના લગ્નમાં પહોંચી આશીર્વાદ આપ્યા :રક્ષામંત્રી રાજનાથસિંહે કહ્યું હું જયારે ઉત્તરપ્રદેશનો મુખ્યમંત્રી હતો ત્યારે વિજેન્દરના અભ્યાસનો ખર્ચ ઉઠાવવા નક્કી કર્યું હતું : આજે ડોક્ટર તરીકે જોઈને ખુબ ખુશી થઇ છે access_time 12:40 am IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST