Gujarati News

Gujarati News

News of Saturday, 27th February 2021

તળાજામાં ડુંગળીના મણના ૬૭૦ મળતા ખેડૂત પરિવારના વૃદ્ધા નાચવા લાગ્યા

(મેઘના વિપુલ હિરાણી દ્વારા) ભાવનગર, તા. ૨૭ :. રાજ્યમાં સૌથી વધુ ડુંગળી ભાવનગર જિલ્લાના તળાજા તાલુકાના ખેડૂતો પકવે છે. આ વખતે સાનુકુળ વાતાવરણને લઈ ડુંગળીનો ઉતારો સારો આવ્યો છે. તેની સાથે ખેડૂતોને આજ સુધી સારા ભાવ મળી રહ્યા હોય ખેડૂત પરિવાર ખુશ ખુશહાલ છે. જેને લઈ તળાજાના એક ગામડાના ખેડૂત પરિવારના વૃદ્ધા ડુંગળીના સારા ભાવ મળતા મોજમાં આવી જઈ ડિસ્કો કરવા લાગ્યા હતા. આ ખુશીની પળને કેમેરામાં કેદ કરી વાયરલ કરવામાં આવી છે.

તળાજાના એક ગામડાના ખેડૂતને ડુંગળીના લાખો રૂપિયા આવતા ખેડૂત પરિવારના વૃદ્ધા રીતસર નાચવા લાગ્યા હતા. આ ખુશીની પળનો વૃદ્ધાના આત્મીય જનોઈ મોબાઈલમાં વિડીયો ઉતારી વાયરલ કર્યો છે. જેમાં માજી કહી રહ્યા છે મણના છસ્સો સિત્તેર રૂપિયા આવ્યા. હવે બળતરા ગઈ ! ડુંગળીના સારા ભાવ મળવાના કારણમાં ભારતમાં જ માગ છે. સાથે નાસિકની ડુંગળીનો પાક નિષ્ફળ જતા ભાવ મળી રહ્યા છે. જો કે હાલ તમામ ખેત જણસના સારા ભાવો ખેડૂતોને મળી રહ્યા છે. જેને લઈ ખેડૂત વર્ગ તળાજાનો ખુશ છે.

(10:22 am IST)
  • કેસના લાઈવ સ્ટ્રીમિંગ બાદ હવે ગુજરાત હાઈકોર્ટે ડેઇલી અપડેઈટ માટે ટેલિગ્રામ ઍપ ઉપર ઍકાઉન્ટ ખોલાવ્યાનું જાણવા મળે છે access_time 11:55 am IST

  • દેશમાં કોરોનાના સતત વધતા કેસથી ચિંતા :એક્ટિવ કેસની સંખ્યામાં પણ વધારો : મૃત્યુઆંક 1.57 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 16, 803 કેસ નોંધાયા :કુલ કેસની સંખ્યા 1,10,96,440 થઇ :એક્ટિવ કેસ 1,61,506 થયા: વધુ 11,707 દર્દીઓ સ્વસ્થ થતા કુલ 1,07,73,275 થયા :વધુ 112 લોકોના મોત સાથે કુલ મૃત્યુઆંક 1,57,087 થયા access_time 1:16 am IST

  • નકલી ડીગ્રીવાળા 2823 અધ્યાપકોને મોટો ઝટકો : અલ્હાબાદ હાઇકોર્ટે હકાલપટ્ટીની યોગ્ય ઠેરવી :અલ્હાબાદ હાઇકોર્ટે આ મામલે એકલ પીઠના આદેશને યોગ્ય માન્યો અને હસ્તક્ષેપ કરવા ઇન્કાર કર્યો access_time 12:41 am IST