Gujarati News

(જીતેન્દ્ર આચાર્ય દ્વારા) ગોંડલ,તા. ૨૬: ગોંડલ માર્કેટિંગ યાર્ડ ખાતે કિસાન કલ્યાણ કાર્યક્રમનું આયોજન થવા પામ્યું હતું જેમાં વડાપ્રધાન નરેન્દ્રભાઈ મોદી અને રાજયના મુખ્યમંત્રી વિજયભાઈ રૂપાણી દ્વારા ઓનલાઈન ખેડૂતો સાથે વાતચીત કરી માર્ગદર્શન આપવામાં આવ્યું હતું આ કાર્યક્રમમાં ધારાસભ્ય ગીતાબા જયરાજસિંહ જાડેજા, માર્કેટીંગ યાર્ડના ચેરમેન ગોપાલભાઈ શિંગાળા, વાઇસ ચેરમેન કનકસિંહ જાડેજા, પ્રફુલભાઈ ટોળીયા સહિતનાઓ હાજર રહ્યા હતા, આ તકે વિવિધ લાભાર્થીઓને કીટ વિતરણ કરવામાં આવી હતી આ કાર્યક્રમમાં સવાસોથી દોઢસો કિસાનો હાજર રહ્યા હતા સોશિયલ ડીસ્ટન્સ અને સરકારીગાઇડલાઇનનું સંપૂર્ણપણે પાલન કરવામાં આવ્યું હતું.

માર્કેટિંગ યાર્ડ ખાતે યોજાયેલ કાર્યક્રમમાં કોંગ્રેસીઓ દ્વારા વિરોધ કરવામાં આવે તે પહેલાં જ દિનેશભાઈ પાતર, લલિતભાઈ પટોડીયા, ભાવેશભાઈ ભાસા (પ્રવકતા) તેમજ રાજેશભાઈ સખીયા અધ્યક્ષ ન્યાય એજ કલ્યાણ ગ્રુપ ને નજરકેદ કરવામાં આવ્યા હતા.