Gujarati News

Gujarati News

News of Thursday, 26th November 2020

પ્રબોધિની એકાદશીના દિવસે SGVP ગુરુકુલ રીબડા (રાજકોટ) ખાતે યોજાયેલ શાકભાજીની હાટડી

તમામ શાકભાજી ગરીબોને વહેંચવામાં આવી.

અમદાવાદ : દિપાવલીનું પર્વ એટલે અંધકાર ઉપર પ્રકાશનું પર્વ, દિપ એ જ્ઞાનનું પ્રતિક છે. માણસ સત્તા, સંપત્તિ અને સાધનોથી નહીં પણ જ્ઞાનથી મહાન બની શકે છે.

     દિપાવલી બાદ નૂૂતન વર્ષ આવે છે ત્યાર બાદ હરિનવમી અને ત્યાર પછી પ્રબોધિની એકાદશી આવે છે તે દિવસ મોટા મોટા મંદિરોમાં શાકભાજીની હાટડી પુરવામાં આવે છે. ખેડૂતો પોતાની વાડીમાં થતી શાકભાજી લાવી મંદિરમાં તેની હાટડી પૂરતા હોય છે.

    વૈષ્ણવ સંપ્રદાયમાં ગોકુલ, મથુરા, વૃંદાવન તેમજ શ્રી સ્વામિનારાયણ સંપ્રદાયમાં વડતાલ, ગઢપુર, જૂનાગઢ, ભૂજ વગેરે મોટા મંદિરોમાં શાકભાજીની હાટડી પુરાતી હોય છે. અને તે તમામ શાકભાજી ગરીબો અને હરિભકતોને પ્રસાદ રુપે વહેંચવામાં આવે છે.

     નીલકંઠ વર્ણી દીક્ષા તથા ગાદી પટ્ટાભિષેક દિન તથા મુક્તાનંદ સ્વામી દ્વારા સંપ્રદાયની પ્રથમ આરતિ દિન પ્રબોધિની એકાદશીના પુનિત પર્વે SGVP શ્રી સ્વામિનારાયણ ગુરુકુલ રીબડા (રાજકોટ) ખાતે શા.માધવપ્રિયદાસજી સ્વામી અને પૂ. બાલકૃષ્ણદાસજી સ્વામીની પ્રેરણાથી અને શાસ્ત્રી ધર્મવત્સલદાસજી સ્વામીના માર્ગદર્શન નીચે ઠાકોરજી આગળ શાકભાજીની હાટડી પૂરવામાં આવેલ. ગ્રામ્યવિસ્તાર તથા સ્થાનિક હરિભકતોએ  શાકભાજી ઠાકોરજીને ધરી આરતિ ઉતારી દર્શન ખુલ્લા મૂક્યા હતા. તમામ શાકભાજી ગરીબોને વહેંચવામાં આવી હતી.

(3:42 pm IST)
  • મુંબઈ પોલીસના ૪ કર્મચારીઓને લાંચના ગુનામાં એન્ટી કરપ્શન બ્યુરોએ ઝડપી લીધા access_time 4:02 pm IST

  • કાશ્મીરના પૂર્વ મુખ્યમંત્રી મહેબૂબ મુફ્તીને ઝટકો : પીડીપી પાર્ટીના ત્રણ નેતાઓએ રાજીનામુ આપ્યું : ધમન ભસીન ,ફલૈલ સિંહ ,તથા પ્રીતમ કોટવાલે પાર્ટી સાથે છેડો ફાડ્યો access_time 1:36 pm IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST