Gujarati News

Gujarati News

News of Thursday, 26th November 2020

મોરબીમાં ધોરણ ૧૨માં નાપાસ થવાના ભયે એસીડ પી ગયેલી વિદ્યાર્થીનીનું મોત

મોરબી તા. ૨૬ : રણછોડનગરની રહેવાસી કૃપાલીબેન ભુપેન્દ્રભાઈ ચાવડા (ઉ.વ.૧૬) નામની સગીરા ગત તા. ૩૧-૧૦ ના રોજ પોતાના ઘરે કોઈ કારણોસર એસીડ પી લેતા સારવાર માટે મોરબી બાદ રાજકોટ ખસેડવામાં આવી હતી જયાં સારવાર દરમિયાન સગીરાનું મોત થયું છે જે બનાવ અંગે નોંધ કરી વધુ તપાસ બી ડીવીઝન પોલીસ મથકના હકાભાઇ ચલાવી રહ્યા છે. જેમાં પોલીસ પાસેથી મળતી માહિતી મુજબ એસીડ પી જનાર વિદ્યાર્થીની ધોરણ ૧૨ માં અભ્યાસ કરતી હતી કોરોનાને પગલે શાળાઓ બંધ હોય અને તેનું અંગ્રેજી નબળું હોય જેથી ધોરણ ૧૨ માં નાપાસ થવાના ભયથી એસીડ પી લીધું હોવાનું જાણવા મળ્યું છે.

માધાપરમાં યુવાનને માર

માધાપર શેરી નં. ૧૯માં રહેતા કાંતિલાલ ઉર્ફે મિથુન દેવરાજભાઈ ડાભી (ઉ.વ.૪૦) પોલીસ ફરિયાદ નોંધાવી છે કે તેના દીકરા અજયને આરોપી હરેશ રામચંદ્ર બહાદુર અસ્થિર મગજના હોય તેવું લાગતું હોય જેના કારણે આરોપી હરેશ બહાદુરે કાંતિલાલ ડાભીના દીકરા અજયને માથાના ભાગે લોખંડ પાઈપ વડે માર મારી ઈજા કરી છે એ ડીવીઝન પોલીસે બનાવની નોંધ કરી તપાસ ચલાવી છે.

ટંકારામાં દારૂની હેરાફેરી કરતો ઝડપાયો

ટંકારા પોલીસ ટીમ પેટ્રોલિંગમાં હોય દરમિયાન જયનગર ગામના પાટિયા પાસેથી પસાર થતી રીક્ષા જીજે ૦૩ ડબલ્યુ ૨૦૮૮ ને આંતરી તલાશી લેતા રીક્ષામાંથી ૨૫૦ લીટર દેશી દારૂ કીમત રૂ ૫૦૦૦ મળી આવતા પોલીસે દારૂ અને રીક્ષા સહીત રૂ. ૫૫,૦૦૦ નો મુદામાલ જપ્ત કર્યો છે અને આરોપી સુરેશ ઉર્ફે ગેદીયો અમરશી ઉર્ફે ચતુર સોલંકી રહે કોટડાનાયાણી તા. વાંકાનેર વાળા સામે ધોરણસરની કાર્યવાહી હાથ ધરી છે.

(11:26 am IST)
  • બુલેટ ટ્રેન માટે જમીન સંપાદનમાં કૌભાંડ મામલે ખેડા શહેરમાં ACBના ઉચ્ચ અધિકારીઓના દરોડા : ICICI બેંક અને HDFC બેંકમાં સર્ચ ઓપરેશન હાથ ધરાયું access_time 12:02 am IST

  • અનુપ જલોટાને બી.એ.ની ડીગ્રી : વિખ્યાત ગાયક અનુપ જલોટાને ૪૬ વર્ષ બાદ બી.એ.ની ડીગ્રી મળી છે. તેઓએ ૧૯૭૪માં લખનઉ યુનિવર્સીટીમાંથી ગ્રેજયુએશન કર્યુ હતું. access_time 4:00 pm IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST