Gujarati News

Gujarati News

News of Saturday, 26th September 2020

મીઠાપુર પંથકમાંથી ચરસના ૧૦ લાખથી વધુના મુદ્દામાલ સાથે બે શખ્સો ઝડપાયા

વાંછું ગામના એક શખ્સનું પણ નામ ખુલ્યું

દેવભૂમિ દ્વારકા:ઓખામંડળ મીઠાપુર પંથકમાંથી ગતરાત્રે પોલીસે ચોક્કસ બાતમીના આધારે દરોડો પાડી, મોજપ ગામેથી રૂ. દસ લાખથી વધુની કિંમતના પોણા સાત કિલોગ્રામ જેટલા ચરસના જથ્થા સાથે બે શખ્સોને ઝડપી લીધા હતા. આ પ્રકરણમાં વાંછું ગામના એક શખ્સનું પણ નામ જાહેર થયું છે.

 આ સમગ્ર પ્રકરણની વિગત મુજબ દેવભૂમિ દ્વારકા જિલ્લા પોલીસે ચોક્કસ બાતમીના આધારે ઓખામંડળના મીઠાપુર તાબેના મોજપ ગામે આવેલી પ્રાથમિક શાળાની બાજુમાં રહેતા આશાર્યાભા ગગાભા સાજાભા હાથલ નામના ૬૨ વર્ષીય હિન્દુ વાઘેર શખ્સ તથા દ્વારકાના રૂપેણ બંદર વિસ્તારમાં રહેતાઅને માછીમારીના વ્યવસાય સાથે સંકળાયેલા અબ્બાસ ભીખનભાઈ મકનભાઈ બરાઈ નામના ૪૦ વર્ષીય મુસ્લિમ શખ્સ દ્વારા પોતાના અંગત ફાયદા માટે પોતાના કબજા ભોગવટામાં રાખેલો છ કિલો ૭૩૨ ગ્રામનો ચરસ નામના માદક પદાર્થનો જથ્થો પકડી પાડવામાં આવ્યો હતો. પોલીસે રૂપિયા ૧૦,૦૯,૮૦૦ ની કિંમતના આશાપુરા સાત કિલોગ્રામ જેટલા ચરસ ઉપરાંત રૂપિયા ૫૦૦ની કિંમતના એક નંગ મોબાઈલ ફોન મળી કુલ રૂપિયા ૧૦,૧૦,૩૦૦/- ના મુદ્દામાલ સાથે ઉપરોક્ત બન્ને શખ્સોની અટકાયત કરી હતી. આ પ્રકરણમાં દ્વારકાના વાંછું ગામની સીમમાં રહેતા પત્રામલભા હરિયાભા નાયાણી નામના એક શખ્સનું નામ ખુલતા પોલીસે તેની સામે પણ ગુનો નોંધી તેની શોધખોળ હાથ ધરી છે.આમ, વિશાળ માત્રામાં કહી શકાય એવા ઝડપાયેલા ચરસના આ જથ્થા સાથે પોલીસે બે શખ્સોને દબોચી લઇ, અન્ય એક શખ્સની શોધખોળ હાથ ધરી, એન.ડી.પી.એસ. ની કલમ ૮ (સી.), ૨૦ (બી) તથા ૨૯ મુજબ ગુનો નોંધી ધોરણસરની કાર્યવાહી હાથ ધરી છે.

(11:55 pm IST)
  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • આતંકવાદ ,હથિયારોની ગેરકાયદે હેરાફેરી ,ડ્રગ્સ ,તથા મની લોન્ડરીંગ સહિતના મુદ્દે ભારત કાયમ અવાજ ઉઠાવશે : માનવતા, માનવ જાતિનું કલ્યાણ ,તથા માનવીય મૂલ્યોની હંમેશા રક્ષા કરીશું : વિશ્વના સૌથી મોટા વેક્સીન ઉત્પાદક દેશના પ્રાઈમ મિનિસ્ટરના નાતે હું જગતને આશ્વાસન આપવા માંગુ છું કે તમામ લોકોને આ વૈશ્વિક સંકટમાંથી બહાર કાઢવા માટે અમે સદાય તતપર રહીશું : ભારતની ફાર્મા ઇન્ડસ્ટ્રીઝે 150 થી વધુ દેશોમાં જીવન જરૂરી દવાઓ મોકલી છે : અમે" વસુધૈવ કુટુંબક્મ " ની ભાવનામાં માનીએ છીએ : સંયુક્ત રાષ્ટ્ર સંઘમાં ભારતના વડાપ્રધાન શ્રી નરેન્દ્ર મોદીનું ઉધબોધન access_time 7:11 pm IST

  • ભાજપની રાષ્ટ્રીય ટીમમાં ૪૫% નવા ચહેરાઓ : નવી ટીમની જાહેરાત કરી રહેલા ભાજપના રાષ્ટ્રીય પ્રમુખ જે.પી. નડ્ડા : ભાજપના રાષ્ટ્રીય પ્રમુખ જે.પી. નડ્ડા રાષ્ટ્રીય ભાજપની નવી ટીમની અત્યારે બપોરે ૩:૧૫ પછી જાહેરાત કરી રહ્યા છે જેમાં ૪૫ ટકા નવા ચહેરાઓ છે : જે.પી. નડ્ડાએ સમગ્ર ટીમમાં આમુલ ફેરફારો કર્યા છે : વિગતો જાહેર થઈ રહી છે (ન્યુઝફર્સ્ટ) access_time 3:11 pm IST