Gujarati News

Gujarati News

News of Saturday, 26th September 2020

૧પ લાખની ખંડણી નહીં આપતા શિહોરના ઘાંચી કર્મચારીની હત્યા

અનિકેત સોલંકીએ જીટીપીએલના રજાકભાઇ સેલોટનું અપહરણ કરી પેટના ભાગે હથીયારના ઘા ઝીંકયા

ભાવનગર, તા. ર૬ : શિહોરમાં જીટીપીએલના કર્મચારીનું અપહરણ કરી રૂ. ૧પ લાખની ખંડણી માંગતા અને રકમ નહિ મળતા છરીના ઘા ઝીંકી હત્યા કરી નાખ્યાનો બનાવ બનતા પોલીસે તપાસ હાથ ધરી છે.

આ બનાવની મળતી વિગતો મુજબ ભાવનગરના શિહોરમાં ઘાંચીવાડ વિસ્તારમાં રહેતા અને જીટીપીએલ.માં નોકરી કરતા અને સાથોસાથ પાનનો વેપાર કરતા ઘાંચી રજાકભાઇ સુવાણીભાઇ સેલોટ ઉ.વ.પ૦નું અપહરણ કરી રજાકભાઇના મોબાઇલમાંથી જ તેની દિકરી સુમૈયાબેન રજાકભાઇને ફોન કરી 'તારા બાપને જીવતો જોવો હોય તો રૂ. ૧પ લાખનો થેલો તૈયાર રાખજે' તેમ કહી અનિકેત ભરતભાઇ સોલંકીએ ધમકી આપી હતી.

પિતાના ફોનમાંથી આવેલ ધમકીભર્યા ફોનની વાત સુમૈયાબેને તેના ભાઇ અને પરિવારજનોને કહી પિતાની શોધખોળ શરૂ કરી હતી અને આ અંગે શિહોર પોલીસમાં જાણ કરી હતી.

દરમ્યાન શિહોરના મોંઘીબાની સમાધી પાસેથી અપહરણ કરાયેલ રજાકભાઇ ઘાંચીની હત્યા કરાયેલ હાલતમાં લાશ મળી આવતા પોલીસ કાફલો દોડી ગયો હતો અને તપાસ હાથ ધરી હતી.

આ બનાવ અંગે સુમૈયાબેન રજાકભાઇ ઘાંચીએ શિહોર પોલીસ સ્ટેશનમાં સિશહોરના જ અનિકેત ભરતભાઇ સોલંકી વિરૂદ્ધ રૂ.૧પ લાખની માંગણી કરી રૂપિયા નહિ આપતા તિક્ષણ હથીયારથી પેટના ભાગે ઘા ઝીંકી પિતાની હત્યા કરવા અંગે ફરીયાદ નોંધાવતા પોલીસે ગુન્હો નોંધી તપાસ હાથ ધરી છે. આ બનાવની તપાસ શિહોર પોલીસ સ્ટેશનના પી.આઇ. કે.ડી. ગોહિલ ચલાવી રહ્યા છે.

મૃતક રજાકભાઇને સંતાનમાં એક પુત્ર અને પાંચ પુત્રીઓ સહિત છ સંતાન છે. બનાવથી ભારે ચર્ચા જાગી છે.

(2:19 pm IST)
  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST

  • ચીનની હુઆવે રિસર્ચ લેબોરેટરીમાં ભીષણ આગ : લેબોરેટરી બિલ્ડિંગમાંથી નીકળતા ધુમાડાના ગોટાઓ આકાશને આંબ્યાં : અનેક ફાયર બ્રિગેડ આગ બુઝાવવાની કામગીરીમાં : 3 મોત : આગના કારણ અંગે હજુ સુધી સરકાર દ્વારા કોઈ સ્પષ્ટતા કરાઈ નથી access_time 1:08 pm IST

  • ભારતના પૂર્વ વડાપ્રધાન મનમોહન સિંઘનો આજે જન્મદિવસ : 26 સપ્ટે.1932 ના રોજ પંજાબમાં જન્મ થયો હતો : 2004 થી 2014 ની સાલ દરમિયાન દેશના વડાપ્રધાન તરીકે ફરજ બજાવી હતી : ચોમેરથી શુભ કામનાઓનો વરસી રહેલો ધોધ access_time 12:09 pm IST