Gujarati News

Gujarati News

News of Wednesday, 26th June 2019

કોડીનાર નાગરીક સહકારી બેંકની ૬૮મી સાધારણ સભા મળીઃ રૂ. ૧૩૧.૪૭ લાખનો નફો કર્યો

બેંક એટીએમ સુવિધા ચાલુ કરશેઃ પ્રથમ વર્ષે ચાર્જ લેવાશે નહિઃ દાગીના ધીરાણમાં ૧ ટકો વ્યાજ ઘટાડાની જાહેરાત

કોડીનાર તા. ર૬ :.. કોડીનાર નાગરીક સહકારી બેંકની ૬૮ મી સાધારણ સભા આજે બ્રહ્મપુરીનાં હોલમાં બેંકનાં ચેરમેન અમૃતલાલ જાનીનાં અધ્યક્ષ સ્થાને મળી હતી. સાધારણ સભામાં બેંકનાં મેનેજર બિપીનભાઇ જાનીએ તમામને આવકારી બેંકનાં સભાસદો-ડીરેકટરો - કર્મચારી ગણનાં અવસાન પામેલા સ્વજનો માટે ર મીનીટનું મૌન પાળી સભાની કાર્યવાહી શરૂ કરી ચેરમેન અમૃતલાલ જાનીનું નિવેદન એકાઉન્ટર સુરેશભાઇએ વાંચી સંભળાવ્યું હતું. જેમાં કોડીનાર નાગરીક સહકારી બેંકે સન ૧૮-૧૯ નાં નાણાંકીય વર્ષમાં ૧૩૧.૪૭ લાખનો નફો કર્યો છે તેમજ બેંકનું ગત વર્ષેનું ધિરાણ ૪૩૬૪.૧૪ લાખ હતું જેમાં ચાલુ વર્ષે ધિરાણ પ૦૮પ.પ૦ લાખનું થતા અને ધિરાણમાં વધારીનો યશ ગ્રાહકોને આપવામાં આવ્યુ હતું. તેમજ બેંકમાં ગત વર્ષની થાપણો રૂ. ૮૮૭૧.પ૪ લાખ જમા હતા. જેમાં ચાલુ વર્ષ દરમિયાન સતત વધારો થતાં વર્ષાન્તે કુલ ૯પ૭૮.૦પ લાખની થાપણો જમા રહી હોય જે બેંક ઉપર લોકોનો વિશ્વાસ દર્શાવે છે.

કોડીનાર નાગરીક સહકારી બેંકમાં મુકવામાં આવતી થાપણો રીઝર્વ બેંક ઓફ ઇન્ડીયાની ડીપોઝીટ ઇન્સ્યોરન્સ સ્કીમ હેઠળ સુરક્ષીત હોવા ઉપરાંત વિમાની રકમ એડવાન્સ  માં ભરી આપવામાં આવે છે. જેથી બેંકનાં થાપણદારોની રૂ. એક લાખ સુધી વિમા કવચથી સુરક્ષીત છે. કોડીનાર નાગરીક બેંકે વિપરીત પરિસ્થિતીમાં પણ સતત ઉલ્લેખનીય પ્રગતિ સાધી છે, બેંકની પ્રગતિમાં સભાસદ ભાઇ-બહેનો ચેમ્બર્સ ઓફ કોમર્સ, અન્ય સ્થાનીક સંસ્થાનું મહત્વનું ફાળો હોવાનું ચેરમેન અમૃતલાલ જાનીએ નિવેદનમાં જણાવી તમામ લોકોનો આભાર વ્યકત કર્યો હતો.

આ તકે બેંકનાં મેનેજર બિપીનભાઇ જાનીએ બેંક દ્વારા ટૂંક સમયમાં જ એ. ટી. એમ. ની સુવિધા શરૂ કરવાની અને પ્રથમ વર્ષે કોઇપણ પ્રકારનાં ચાર્જ વગર ગ્રાહકોને  એટીએમ સુવિધા ઉપલબ્ધ કરાવવાની જાહેરાત કરી હતી. તેમજ દાગીના ધિરાણમાં ૧ ટકા વ્યાજનો ઘટાડો કરવાની જાહેરાત કરી હતી.

આ તકે કોડીનાર નાગરીક બેંકના તાલાળા શાખાનાં સલાહકાર સમિતિનાં ચેરમેન યોગેશભાઇ ઉનડકટે બેંકની તાલાળા શાખા પણ ટૂંકા સમયમાં જ નફો કરતી થઇ ગઇ હોવાનું જણાવ્યું છે.

કોડીનાર નાગરીક સહકારી બેંકની ૬૮ મી સાધારણ સભામાં ચેરમેન અમૃતલાલ જાની, વા. ચેરમેન હરીભાઇ વિઠલાણી સહિત તમામ ડીરેકટરો - સભાસદો મોટી સંખ્યામાં હાજર રહ્યા હતાં.

(11:34 am IST)
  • સુરતના કીમમાં ઠેર ઠેર પાણી ભરાયા :સાધના હોસ્પિટલમાં પાણી ઘુસ્યા સુરતમાં પ્રથમ વરસાદે જ કિમ ગ્રામ પંચાયતની પ્રિમોન્સૂન કામગીરીની પોલ ખોલી નાખી છે. કિમના સાધના હોસ્પિટલ નજીક વરસાદી પાણી ભરાયા છે, જયારે અમૃતનગર અને શિવાજીનગર જવાના માર્ગ પર પાણી ભરાતા સ્થાનિકોએ હાલાકીનો સામનો કરવો પડ્યો છે. access_time 7:56 pm IST

  • મોદી સરકારે ર વર્ષમાં ૮૭૦૦૦ પાકિસ્તાની અને ર૩ લાખ બાંગ્લાદેશીને વીઝા આપ્યા access_time 3:21 pm IST

  • રાજયમાં જાહેર થયેલી સ્થાનીક સ્વરાજયની ચુંટણી અંગે મુખ્યમંત્રીના નિવાસ સ્થાને સાંજે ૬ વાગે પાર્લામેન્ટ્રી બેઠક : ગાંધીનગરમાં ભાજપની પ્રદેશ પાલામેન્ટ્રી બોર્ડની બેઠકઃ જુનાગઢ, ગાંધીનગર મનપાની ચૂંટણી અંગે કરાશે ચર્ચાઃ જીલ્લા પંચાયતની પાંચ બેઠક, તા.પં.ની ૫ાંચ બેઠક અંગે ચર્ચા : સીએમ રૂપાણી, જીતુભાઇ વાઘાણી સહિતના હાજર રહેશેઃ સીએમ રૂપાણીના અધ્યક્ષ સ્થાને કેબીનેટની બેઠક access_time 1:08 pm IST