Gujarati News

વેરાવળ તા. ૨૬ : ગીર સોમનાથ જિલ્લાનું ધોરણﾠ૧૦ﾠનું ગત વર્ષ કરતાﾠ૬% ઓછું ૬૨.૦૧ﾠટકા પરિણામ આવ્‍યું છે તેમાં આજોઠાનું સૌથી વધારે ૮૬.૯૨% તથા દેલવાડાનો સૌથી ઓછુંﾠ૧૮.૮૫ﾠટકા પરિણામ આવેલ છે. વેરાવળનું ૫૮.૪૨ﾠટકા પરિણામ જાહેર થયું છે. ગીર સોમનાથ જિલ્લામાં કુલﾠ૬૭ﾠવિદ્યાર્થીઓએ એવન ગ્રેડ અનેﾠ૮૦૯ﾠવિદ્યાર્થીઓએ ટુ ગ્રેડ મેળવ્‍યા છે જિલ્લાનીﾠ૧૦ﾠશાળાનું સો ટકા પરિણામ આવેલ છે.

વેરાવળ શહેરની દર્શન સ્‍કૂલમાં પાંચ વિદ્યાર્થીઓએ એ વન ગ્રેડ મેળવેલ છે દર્શન સ્‍કુલ નુંﾠ૯૭.૦૨ﾠટકા પરિણામ આવ્‍યુ છે. વેરાવળ કેન્‍દ્રમાં પ્રથમ ક્રમે ભાલપરાના ખેડૂત પુત્ર ઝાલા મિત એﾠ૯૯.૭૯ﾠપીઆર મેળવી પ્રથમ ક્રમ મેળવ્‍યો છે .તેને ગણિતમાંﾠ૧૦૦ﾠમાંથીﾠ૧૦૦ﾠમાર્ક્‍સ મળ્‍યા છે. રોજનીﾠ૧૬ﾠકલાક જેટલું વાંચન કરી અને સ્‍કૂલના શિક્ષકોના માર્ગદર્શન અને વિઠલાણી સરની દેખરેખથી તેમણે આ સિદ્ધિ હાસલ કરી છે. આગળ અભ્‍યાસમાં વિજ્ઞાન પ્રવાહ લઈ એન્‍જિનિયર ક્ષેત્રે કારકિર્દી ઘડવાની મહત્‍વકાંક્ષા ધરાવે છે. શહેરમાં દ્વિતીય ક્રમેﾠ૯૯.૬૯ﾠપીઆર સાથે ચારિયા જાગૃતિ ઉત્તીર્ણ થયેલ છે. સતત આઠ કલાકની મહેનતથી તેમણે આ સિદ્ધિ હાંસલ કરી છે. તેઓ હવેﾠ૧૨ﾠકોમર્સ કરી સીએ બનવા માંગે છે. એ જ રીતે ત્રીજા ક્રમે ૯૯.૬૩ પીઆર સાથે મૂલચંદાણી દ્રષ્ટિ ઉત્તીર્ણ થયેલ છે. તેણે પણ ચાર્ટર્ડ એકાઉન્‍ટ ક્ષેત્રે અભ્‍યાસ કરવા માંગે છે ચોથા ક્રમેﾠ૯૯ ૫૬ﾠપીઆર સાથે વાળા સ્‍નેહા તેમજ પાંચમા ક્રમેﾠ૯૯.૧૯ﾠસાથે લાલવાણી ખુશ્‍બુ એ નંબર મેળવ્‍યો છે.

વેરાવળ સનરાઇઝ સ્‍કૂલ નુંﾠ૯૩.૧૫ﾠટકા પરિણામ જેમાં પ્રથમ ક્રમે જોગીયા ધ્રુવી હિતેશભાઈﾠપીઆર ૯૯.૫૬ એ-૧ﾠદ્વિતિય ક્રમે ડોડીયા દર્શિતા અજિતભાઈﾠપીઆર ૯૭.૧૩ એ-ટુﾠતૃતીય કર્મે વિઠ્‍લાણી પ્રાપ્તિ ભાવેશભાઈﾠપીઆર ૯૬.૯૪ﾠઉત્તીર્ણ થયેલ છે.