Gujarati News

પ્રભાસ-પાટણ તા. ર૬ : સોમનાથના પવિત્ર ત્રિવેણી સંગમે નગરપાલિકા સંચાલિત ગેસ આધારિત સ્મશાન ગૃહ આવેલું છે. જેમાં રાજ ગોપાલભાઇ નામના ભાઇ છેલ્લા સાડા ત્રણ વરસથી મૃતદેહોને અગ્નિદાહ આપવાની માનદ્દ સેવા આપતા હતા.

આ જ સ્મશાનમાં સામાન્ય ચા ની રેકડી રાખતા પ્રભાસ-પાટણના કોલીવાડામાં રહેતા કાળા રામા ગઢીયા ઉર્ફે કાળુભાઇ નાનો-સુનો ચા નો ધંધો કરતા હતા.આ બન્ને વચ્ચે વિશ્વાસુ મિત્રતા હતી. જેથી રાજ ગોપાલભાઇ પોતાની બચત-આર્થિક ઉપજિન સલામતી ખાતર કાળુભાઇને સાચવવા માટે આપ્યે રાખતા હતા અને કહેતા પણ કે 'હું મરી જાઉં તો, આ પૈસા તારા'

અને અચાનક બન્યું પણ એમ કે થોડા દિવસ પહેલાં તેમને પેટમાં કોઇ જૂના રોગને કારણે દૂઃખાવો થયો પરિસ્થિતિ ગંભીર બની જે અંગેની જાણ પ્રભાસના આગેવાનો-સેવાભાવીઓ જયદેવ જાની, મિલન જોશી, શૈલેષ ગૌસ્વામી અને નગરપાલિકાના જેઠાભાઇ સોલંકી સ્મશાને પહોંચ્યા ત્યારે ગોપાલભાઇ વ્યકત કરેલી ઇચ્છા મુજબ ખાસ એમ્બ્યુલન્સ દ્વારા આર્યસમાજ પોરબંદર-ધનજીભાઇ સુધી સારવાર માટે પહોંચાડયા જયાં તેનું દુઃખદ અવસાન થયંુ.

સોમનાથ-સ્મશાનમાં ચા નું વેચાણ કરતા સામાન્ય ચા ની રેકડીવાળા કાળુભાઇને તેના મરણની ખબર પડી એટલે તરજ ગામના સેવાભાવી માણસોને મળ્યોને કહ્યું કે આ અધ્યાગતના પૈસા મારે નથી રાખવા-કોઇ લખત કે પખત નથી.

મરણ જનારે તેની થાપણ સાચવવા ભાગરૂપે મને દોઢ લાખ રૂપિયા વિશ્વાસે આપેલ છે-તેણે એમ પણ કીધું છે કે 'કદાચ હું મરી જાઉં તો આ પૈસા તારા' પણ મારે અણહક્કના કોઇના પૈસા ન જોઇએ.

અત્યારે લોકડાઉનને કારણે ધંધો ઠપ્પ છે અને મને આર્થિક સંકડામણ પણ છે પણ તે છતાં મરનારના વિશ્વાસનો ભંગ કરવો નથી અને તેને ેસેવાભાવી લોકોને આ રકમ ધરી જેથી તે રકમમાંથી ગાયોને ચારો, પક્ષીઓને ચણ અને લોકડાઉનમાં જરૂરતમંદોને શીરો ભોજન કરાવાયું અને બાકીની રકમમાંથી સ્મશાન ઘાટે તેની સ્મૃતિમાં પાણી-પરબ કે અન્ય બાંધકામ આયોજન કરાયું.

સેવાના આ કાર્યમાં પોરબંદરના ધનજીભાઇ નગરપાલિકાના જયદેવ જાની, મિલન જોશી, શૈલેષ ગોસ્વામી સહયોગી બન્યા.