Gujarati News

ઉનાઃ મેઇન બજાર પોસ્ટ ઓફીસ ચોક, વાસા ચોક, સોની બઝાર, ખાઇ બઝારના નાકે, લુહાર ચોક સુધી દરરોજ સવારે ૮ થી બપોરે ૧ અને સાંજે ૪ થી ૭ ટુ વ્હીલર, રીક્ષા, રેંકડી અને ચાલીને જતા રાહદારીઓથી ટ્રાફીક જામ થઇ જાય છે. સોશ્યલ ડીસ્ટન્સનો અમલ કરાતો નથી. લોકોની ભીડ હોય છે કે એક બીજાને અડીને ચાલવું પડે છે. આ વિસ્તારમાં જાણે લોકડાઉનના જાહેરનામા જેવું કાંઇ નથી. વાહનો સામસામે આવી જતા માલવાહક રીક્ષા, રેકડીઓ સામસામે આવી જતા ટ્રાફીક જામ થાય છે. આ વિસ્તાર સવારે ૯ થી બપોરે ૧ સુધી ભારે વાહનો માટે બંધ અને અન્ય વાહનો માટે વનવે કરાય તો ટ્રાફીક જામની મુશ્કેલી હળવી થાય તેમ ટ્રાફિક પોલીસ બંદોબસ્ત સહિત પગલા લેવા માંગણી ઉઠી છે. ટ્રાફિક જામની તસ્વીર.