Gujarati News

 વિંછીયા, તા.૨૬: અહીં વિંછીયામાં બે માસના લોકડાઉનથી પાન-માવા ફાકીમાં અતિ જરૂરી એવા ચુનાની અછત પ્રવર્તતી હતી!!

તમાકુ પ્રેમીઓ એવા વ્યસનીઓને ચુના- વગર ગમતું ન હતું. ચટણી વગરના ભજીયા જેવી હાલત થઇ હતી!! ધૂમ કાળા બજારમાંય ચુનો મળવો મુશ્કેલ હતો.

તેવામાં રવિવારે એક ટેમ્પો ભરીને ચુનો આવતા અને લોકો બંધાણીઓને ખબર પડી કે ચુનો આવ્યો છે. લોકો દોડયા... ભીડ જામી...

જોત જોતામાં લોકોએ એક એક બોરો ચુનો ખરીદી લીધો.. વેપારીનો માલ તેની દુકાને પહોંચે તે પહેલા મોટા ભાગનો ચુનો વેચાઇ ગયો...

સાથે સામાજિક અંતરના ધજાગરા થયા. જે તસ્વીરમાં જોઇ શકાય છે.

ટુંકમાં વ્યસનીઓને મોંઘવારી નથી નડતી!!