Gujarati News

Gujarati News

News of Sunday, 26th May 2019

સુરતની દુર્ઘટનાને પગલે ભુજમાં ટ્યુશન કલાસીસ તંત્રના રડારમાં- ૬ કલાસીસ બંધ કરવાની નોટિસ

(ભુજ) સુરતમાં ખાનગી ટ્યુશન ક્લાસીસમા ગઇકાલે આગની ધટનાએ સમગ્ર ગુજરાતને હચમચાવી નાંખ્યુ છે. ફાયર સેફટીના સાધનો વગર સર્જાયેલી આ દુર્ધટના પછી સરકારે ગુજરાતભરમાં ટ્યુશન ક્લાસીસ પર તપાસ શરૂ કરી છે. ત્યારે ભુજમાં ફાયર સેફ્ટીના સાધનો વગર ધમધમતા ટ્યુશન ક્લાસીસ પર તવાઇ બોલાવાઇ હતી.

એક સાથે કલાસીસમાં ભણતા અનેક વિદ્યાર્થીઓનો સમાવેશ હોવા છતાંયે ફાયર સેફટીના સાધનો વગર ધમધમતા ભુજના ટ્યુશન કલાસીસ સામે  સુરતની ધટના પછી જાગેલા તંત્રએ તપાસ કરી નોટીસ ફટકારી આવા ટ્યુશન કલાસીસ બંધ કરાવ્યા હતા.

ભુજની સનરાઇઝ બિલ્ડીંગ સહિત અન્ય ૬ જેટલા ટ્યુશન કલાસીસો ઉપર ફાયર વિભાગ અને ભુજ પાલિકાએ સયુંક્ત ચેકીંગ હાથ ધર્યુ હતુ. જેમાં તમામ સ્થળોએ ફાયર સેફટીના સાધનોનો અભાવ જોવા મળ્યો હતો જેથી ફાયર વિભાગે નોટીસ સાથે ટ્યુશન ક્લીસીસ બંધ કરાવ્યા હતા. રાજ્ય સરકારના નવા પરિપત્ર પહેલા એક પણ ટ્યુશન ક્લાસીસ ચાલુ કરવાની ફાયર વિભાગે સુચના આપી છે. 

આગામી દિવસોમા ભુજ સહિત અન્ય વિસ્તારોમાં પણ ફાયર વિભાગ દ્રારા આવા ટ્યુશન પર ચેકીંગ હાથ ધરી કાર્યવાહી હાથ ધરાશે. જોકે, ભૂકંપ ઝોન ૫ માં આવતા કચ્છ માટે આમેય જ્યારે ડિઝાસ્ટર મેનેજમેન્ટ અંતર્ગત સેફટીના સાધનોની જરૂરત છે, ત્યારે જોવું એ રહ્યુ કે, આવી કાર્યવાહી પછી વિદ્યાર્થીઓના બચાવ માટે કેટલી અસર કેટલી થાય છે.

(3:50 pm IST)
  • લોકસભાની ચૂંટણીના પરિણામો પછી પશ્ચિમ બંગાળમાં સતત હિંસા ચાલુ : તૃણમૂલ કોંગ્રેસના કાર્યકર્તાઓ અને ભાજપના કાર્યકર્તાઓ વચ્ચેની અથડામણોમાં ૧નું મોત : ૩૦ ઘાયલ થયા access_time 10:19 pm IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST

  • માત્ર હિન્દીભાષી રાજ્યો જ ભારત નથી :કેન્દ્ર સરકાર એકપણ રાજ્યની અવગણના નહિ કરી શકે ;ચૂંટણીમાં ભવ્ય વિજય બાદ ડીએમકે અધ્યક્ષ એમ,કે,સ્ટાલિનના તીખા તેવર ;લોકસભા ચૂંટણીમાં તામિલનાડુમાં પોતાની પાર્ટીના પ્રદર્શનથી ઉત્સાહિત સ્ટાલીને કહ્યું કે તેની પાર્ટી અન્ય રાજ્યોમાં પ્રાદેશિક પક્ષ સાથે મળીને ભાજપનો મુકાબલો કરશે access_time 11:09 am IST