Gujarati News

Gujarati News

News of Saturday, 26th May 2018

ભાવનગરના ગારિયાધારમાં રહેતી સાળીને રૂપિયા ૧૭ લાખનો ધૂંબો મારતા બનેવીઃ રૂપિયાની ઉઘરાણી કરતા ખુનની ધમકી

સુરતઃ ભાવનગરના ગારીયાધાર તાલુકાની શિવશક્તિ સોસાયટીમાં રહેતા સેફાલીબેન કાલુ સવાણી (ઉ.વ.૩૪) મંદિરમાં સેવા પૂજાનું કામ કરે છે. સેફાલીએ ગઈકાલે તેના બનેવી હિરેન ભરત જાસોલિયા (રહે, સંતલાલ સોસાયટી, હીરાબાગ વરાછા) સામે ઠગાઈની ફરિયાદ નોંધાવી હતી. જેમાં સેફાલીબેને જણાવ્યું હતું કે આરોપી હિરેન જાયોલિયા જમીનના ધંધા સાથે સંકળાયેલા છે. હિરેન જાસોલિયાએ માર્ચ ૨૦૧૭માં બેન્કમાંથી હરાજીમાં મિલકત ખરીદવા માટે અને ધંધાના કામ માટે રૂ. ૧૭,૫૦,૦૦૦ હાથ ઉછીના લીધા હતા. હિરેને આ પૈસા ૩૦મી ડિસેમ્બર ૨૦૧૭માં પૂરેપૂરા ચૂકવી દેવાની બાંહેધરી આપી હતી.

જે સમય વિતી જવા છતાંયે પૈસા ચૂકવ્યા ન હતા અને ખોટા ખોટા વાયદાઓ કરતા હતા. દરમિયાન સેફાલીબેન કતારગામ સરગમ સોસાયટીમાં રહેતા તેના માતા પિતાના ઘરે રહેવા માટે આવ્યા છે અને હિરેનને ફોન કરી રૂપિયાની માંગણી કરતા હિરેને પૈસા નહીં આપી હવે પછી રૂપિયા માંગશો તો જાનથી મારી નાંખવાની ધમકી આપી હતી.

(6:42 pm IST)
  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST